37 jastaǵy er adam oqıǵa ornynda kóz jumdy
Almaty polısıa departamenti búgin Abylaı han dańǵyly men Tóle bı dańǵylynyń qıylysynda bolǵan JKO boıynsha túsinik berdi, dep habarlaıdy Almaty-akshamy.kz.
Adam ólimine ákep soqtyrǵan jol-kólik oqıǵasy deregin tekserip jatqan Almaty qalalyq PD anyqtaý Basqarmasy málimetinshe, JKO syzbasyna jáne beınebaqylaý júıeleriniń taldaýyna sáıkes, búgin 14 saǵat 05 mınýtta jeke tasymaldaýshylardyń birine tıesili «MAZ-203069» qoǵamdyq kóliginiń júrgizýshisi 1987 jyly týǵan A.esimdi azamat, Abylaı han dańǵylymen ońtústik baǵytta kele jatyp, Tóle bı dańǵylynyń qıylysynda baǵdarshamnyń tyıym salynǵan belgisine ótip ketip, Tóle bı dańǵylymen shyǵys baǵytta kele jatqan «GOLDEN DRAGON XML6125CN» markaly qoǵamdyq kólikpen soqtyǵysqan.
Ony 1963 jyly týǵan A. esimdi azamat basqarǵan. Soqtyǵysýdan keıin 98-shi baǵyttaǵy qoǵamdyq kóliktiń júrgizýshisi qozǵalysyn jalǵastyryp, jaıaý júrginshilerdi qaǵyp ketken. Onyń nátıjesinde jaıaý júrginshilerdiń biri - 37 jastaǵy er adam oqıǵa ornynda kóz jumdy.
Atalǵan derek QR QK-niń 345-baby 3-bóligine sáıkes sotqa deıingi tergeýdiń biryńǵaı tizilimine tirkeldi. Tıisti saraptamalar taǵaıyndaldy.