Polısıa qyzmetkerleri birqatar alaıaqtyq jasaǵany úshin 52 jastaǵy S.esimdi azamatty ustady.
Polısıanyń málimetinshe, qazirgi ýaqytta kúdiktiniń úsh epızodqa qatysy bar ekendigi anyqtaldy, dep habarlaıdy Almaty-akshamy.kz Polisia.kz-ke silteme jasap.
«Qylmystyń tizbegi qarapaıym boldy: ańqaý azamattar taksı jolaýshysy sıaqty kórinip, júrgizýshimen til tabysyp alǵan alaıaqtyń aılasyna ońaı túsip qalatyn. Jol-jónekeı er adam júrgizýshini tehnıka men basqa da halyq tutynatyn taýarlardy naryqtan tómen baǵamen alýǵa múmkindigi bar ekenine sendirdi. Odan ári ol taksı júrgizýshilerine taýardy satýǵa kómektesemin dep ýáde berdi. Ol úshin jeke taksı júrgizýshileri tıimdi kásipke qarajat salý úshin aqshany tez arada taýyp, qaskóıge berýi kerek boldy. Ókinishke qaraı, qalanyń úsh turǵyny qaskóıdiń qylmystyq toryna túsip qaldy», – dedi Medeý aýdandyq polısıa basqarmasy bastyǵynyń orynbasary Tımýr Mýlınov.
Tergeý jábirlenýshilerdiń odan da kóp bolýy múmkin ekenin joqqa shyǵarmaıdy. Sondyqtan polısıa qyzmetkerleri S.esimdi azamattyń áreketinen zardap shekken adamdardy Medeý aýdandyq PB-ǵa nemese myna telefon nómirleri arqyly habarlasýǵa shaqyrady: 254-48-02; 254-48-01; 8-707-142-01-11.