Almatyda baǵany kótergen dúkender tekseriledi

Almaty dúkenderi men bazarlaryndaǵy áleýmettik mańyzy bar azyq-túlik taýarlarynyń ústeme baǵasyn kótergenderge tekserý júrgiziledi

 Azyq-túlik bazarlary men úı janyndaǵy dúkenderge áleýmettik mańyzy bar azyq-túlik taýarlaryna (budan ári – ÁMAT) qoıýǵa ruqsat etilgen 15% saýdalyq ústeme baǵany saqtaýlaryna qatysty tekserý júrgiziledi, dep habarlaıdy Almaty-akshamy.kz.

Komısıa quramyna Almaty prokýratýrasynyń kelisimi boıynsha aýdan ákimdikteriniń, Kásipkerlik jáne ınvestısıalar basqarmasynyń, Saýda, Memlekettik kirister, Sanıtarlyq-epıdemıologıalyq baqylaý departamentteriniń, Básekelestikti qorǵaý jáne damytý agenttiginiń, Tótenshe jaǵdaılar basqarmasynyń ókilderi kiredi. Reıdtik is-sharalar 26 ámbebap bazarlardy jáne Almatydaǵy «úı janyndaǵy» 3 600 dúkenderdi qamtıdy.

Tekserý barysynda kásipkerlerge áleýmettik mańyzy bar azyq-túlik taýarlaryn satyp alý baǵasynan olarǵa qoıylatyn 15%-dan astam baǵany kótergeni jáne ruqsat etilgen shekti bólshek saýda baǵalaryn (olardyń belgilengen baǵasyna qaraı) kótergeni úshin jaýapkershilikke tartylatyny týraly habarlama jiberiledi. Buzýshylyqtar anyqtalǵan jaǵdaıda, QR «Ákimshilik quqyq buzýshylyqtar týraly» Kodeksiniń 204-4 babyna sáıkes, sharalar qabyldanatyn bolady. Máselen, saýdalyq ústeme baǵany kótergeni úshin kásipkerge birinshi joly eskertý beriledi, buzýshylyq qaıtalanǵan jaǵdaıda, 10 AEK-ten 300 AEK deıingi (30 630 teńgeden 918 900 teńgege deıin) mólsherde aıyppul salynady. Belgilengen shekti baǵany birinshi ret kótergeni úshin 100 AEK (306 300 teńge), buzýshylyq qaıtalanǵan jaǵdaıda, 200 AEK mólsherinde (612 600 teńge) aıyppul salynady.

Qoldanystaǵy saýda zańnamasyn saqtaý maqsatynda kásipkerlerge balamaly nusqa – QR iri dıstrıbútorlary men óndirýshilerinen tikeleı kóterme baǵa boıynsha bakaleıa ónimderiniń tikeleı jetkizilimi usynylatyn bolady. Atalǵan shara Almatyda jyl basynan beri qoldanylýda: búginde 1 myńnan astam «úı janyndaǵy» dúkender qamtyldy, áleýmettik mańyzy bar azyq-túlik taýarlarynyń 8 ataýy boıynsha shamamen 1,5 myń tonna ónim (jumyrtqa, qant, kúrish, un, kúnbaǵys maıy, qaraqumyq, makaron, tuz) jetkizildi.

Almaty qalasynda 2022 jylǵy 31 mamyrǵa deıin usynylǵan baǵalar:

1. Birinshi surypty bıdaı uny - 230 tg.


2. Birinshi surypty (formaly) bıdaı unynan pisirilgen nan - 100 tg.


3. Rojkı (tarazy) - 230 tg.


4. Qaraqumyq jarmasy (ózegi, salmaǵy) - 450 tg.


5. Tegistelgen kúrish (dóńgelek dándi, salmaǵy) - 280 tg.


6. Kartop - 200 tg.


7. Asqanalyq sábiz - 220 tg.


8. Bas pıaz - 130 tg.


9. Aq qyryqqabat - 250 tg.


10. Aq qant (qumsheker) - 460 tg.


11. Kúnbaǵys maıy - 840 tg.


12. Sıyr eti (súıegi bar jaýyryn-tós bóligi) - 2350 tg.


13. Taýyq eti (súıegi bar jumsaq eti) - 1150 tg.


14. Sút (maılylyǵy jumsaq qaptamada 2,5%) - 330 tg.


15. Aıran (maılylyǵy jumsaq qaptamada 2,5%) – 385 tg.


16. Sary maı (tuzdalmaǵan, maılylyǵy keminde 72,5%, toltyrǵyshtar men ósimdik maılarynsyz) – 3350 tg.


17. Taýyq jumyrtqasy (I sanat) - 460 tg.


18. As tuzy ("Ekstradan" basqa) - 65 tg.


19. Súzbe (maılylyǵy 5-9%) - 1950 tg.