Ony Ábilhan Qasteev atyndaǵy memlekettik óner mýzeıiniń aldynan kórýge bolady.
Daryndy sýretshi, músinshi Sáken Narynov «Teksheniń alty kúıi» kórkem týyndysynda kúrdeli metal konstrýksıalary arqyly adamnyń sezimderin, emosıasy men kóńil-kúıin óte dál beınelegen, dep habarlaıdy Almaty-akshamy.kz 24.kz-ke silteme jasap.
Máselen, sýretshi «Qysym» dep ataǵan myna tekshe shıryqqan kóńil kúıdi dóp basady. Sýretshi bul jumystaryn pandemıa kezinde jasap, qaıtys bolardan buryn mýzeı qoryna tapsyrǵan. Erekshe týyndylarmen tanysqan sheteldik qonaqtar osy kórmeni óz elderinde ótkizý týraly usynystaryn aıtty. «Art nysandar sýretshiniń biregeı shyǵarmashylyǵyna tereńirek úńilýge múmkindik beredi», - deıdi mýzeı qyzmetkerleri.
«Bul shyǵarmalardyń árqaısysy adamnyń belgili bir kóńil-kúıin, jan-dúnıesin beıneleıdi. Al alýan emosıany óte kúrdeli materıal arqyly kórsetý sýretshiniń sheberligi der edim. Metal arqyly shyǵarmashylyq oıdy dál berýdi, ony jasaýdy elestetý qıyn, biraq sýretshi oǵan qol jetkizdi. Osy jumystar arqyly kórnekti sheber, sáýletshi jáne músinshi Saken Narynovtyń shyǵarmashylyǵymen keń aýdıtorıany tanystyrý múmkindigine ıe bolǵanymyz biz úshin óte mańyzdy», - deıdi kórme kýratory Ekaterına Reznıkova.