Basqarma mamandary azamattardy erekshe jaǵdaılarda ǵana shaqyrady.
Belgisiz tulǵalar Almaty qalasy ákimdigi nemese turǵyn úı basqarmasy qyzmetkerleriniń atynan qońyraý shalǵan jaǵdaıda quqyq qorǵaý organdaryna júginý kerek, dep habarlaıdy Almaty-akshamy.kz
Ózderin Almaty qalasy ákimdiginiń nemese Turǵyn úı basqarmasynyń qyzmetkeri retinde tanystyryp, ekinshi deńgeıdegi bankter men mıkrokredıttik qarjy uıymdary aldyndaǵy mindettemeler boıynsha, merzimi ótken nesıeler men qaryzdar boıynsha bereshekterdi merziminen buryn ótegennen keıin memlekettik turǵyn úı qorynan páter berý máselesi boıynsha usynatyn belgisiz tulǵalar men alaıaqtar tarapynan azamattarǵa telefon qońyraýlarynyń jıileýine baılanysty mynadaı aqparatty nazarǵa alýdy suraımyz:
Eger Siz Almaty qalasy ákimdiginiń turǵyn úıge muqtajdar esebinde tursańyz, onda Almaty qalasynyń komýnaldyq ınfraqurylymdy damytý basqarmasy (budan ári - Basqarma), QR «Turǵyn úı qatynastary týraly» zańynyń 74-babyna sáıkes, kezekte turǵandarǵa jalǵa beriletin turǵyn úı tek kezek tártibimen beriledi. Bul rette, nesıelik aqparaty jáne ekinshi deńgeıdegi bankter men mıkrokredıttik qarjy uıymdary aldyndaǵy nesıeler men qaryzdary boıynsha bereshekter memlekettik turǵyn úı qorynan úı alýǵa áser etpeıdi.
Almaty qalasy ákimdiginde kezekte turǵan azamattar óz kezekterin www.kezekte.kz saıtynda («JSN boıynsha kezektegi nómirdi tekserý» siltemesi arqyly) nemese Basqarmanyń 225-14-37, 225-14-52, 225-14-57 telefondaryna qońyraý shalý arqyly baqylaı alady.
Almaty qalasy ákimdiginiń nemese Turǵyn úı basqarmasynyń qyzmetkerleri atynan belgisiz tulǵalar men alaıaqtardan qońyraý túsken jaǵdaıda, quqyq qorǵaý organdaryna qońyraý shalǵan telefon nómirin, qońyraý shalýshynyń aty-jónin jazyp alyp, ótinishpen júginýińizdi suraımyz.
Basqarma mamandary azamattardy erekshe jaǵdaılarda ǵana jáne qajetti qujattardy usyný, páterge jaldaý sharty men satyp alý-satý sharttaryna qol qoıý úshin Almaty qalasy, Dostyq dańǵyly, 85 (Áleýmettik qyzmetter úıi, 1 qabat, oper zaly) mekenjaıynda ornalasqan Basqarmaǵa shaqyrady.