Konferensıa materıaldary jınaq túrinde jaryq kóredi
«Ahmet Baıtursynuly – ult ustazy» ǵylymı-praktıkalyq halyqaralyq konferensıa ótedi, dep habarlaıdy Almaty-akshamy.kz.
2022 jylǵy 4 qarashada Almaty qalasy ákimdiginiń qoldaýymen, Almaty qalasy mýzeıler birlestigi M. Áýezov atyndaǵy Ádebıet jáne Óner ınstıtýtymen birlese otyryp memleket jáne qoǵam qaıratkeri, kórnekti aǵartýshy A. Baıtursynulynyń 150 jyldyǵyna oraı «AHMET BAITURSYNULY – ULT USTAZY» atty halyqaralyq ǵylymı-praktıkalyq konferensıa ótkizedi.
Konferensıa jumysynyń negizgi baǵyttary:
• Ahmet Baıtursynulynyń murasy jáne ulttyq qundylyqtar
• Ahmet Baıtursynuly jáne gýmanıtarlyq ǵylymdar: ótkeni men búgini
• Ahmet Baıtursynuly jáne ulttyq jazýdyń ózekti máseleleri
Uıymdastyrýshy: «Almaty qalasy mýzeıler birlestigi» KMQK, Ahmet Baıtursynuly mýzeı-úıi.
«Konferensıa tili: qazaq, orys, aǵylshyn. Maqalanyń bezendirilýine qoıylatyn talaptar: kólemi 5-6 bet, redaktory – WORD, 14 shrıft. Mátinder TIMES NEW ROMAN qarpimen jazylady. Silteme jasalatyn ádebıet maqala ishinde rettik sany boıynsha (tik jaqshanyń ishinde), maqala sońynda tolyq túrde kórsetiledi. Qazaq tilinde jazylǵan mátin úshin oryssha, aǵylshynsha, orys jáne basqa tilderdegi mátin úshin qazaqsha, aǵylshynsha túıindeme (rezúme) beriledi. Túıindemeden keıin avtor týraly málimet (qyzmet orny, ǵylymı ataq-dárejesi, mekenjaıy, baılanys telefony) keltiriledi», - delingen habarlamada.
Konferensıaǵa qatysýshylardyń qarjylyq shyǵyndary jiberýshi (qatysýshy) tarapynan. Konferensıa materıaldary jınaq túrinde jaryq kóredi. Talapqa saı emes maqalalar qabyldanbaıdy. Maqala mazmuny úshin uıymdastyrý komıteti jaýap bermeıdi. Uıymdastyrý komıteti jáne redaksıalyq komısıa konferensıaǵa kelip túsken maqalalardy tańdaý jáne jarıalaý quqyǵyn ózinde qaldyrady.
«Maqala 2022 jyldyń 22 qazanyna deıin qabyldanady. Baıandamany jınaqta jarıalaý tegin. Konferensıaǵa qatysýshylarǵa elektrondyq nusqasy beriledi. Maqalalardy a.baitursunuly150@gmail.com poshtasyna jiberý qajet. Jaýaptylar: Imahanbet R.S., 87013296402, Karımhan Z.T., 87012858026, Rahmetýllın E.E., 8 7029457362, BAQ ókilderi úshin: 87074446606», - delingen habarlamada.