Ádepti adam keıpine engen alaıaq zeınetkerlerdiń senimine kirip, qundy zattardy qoldy etip kelgen
Almatyda jedel izdestirý sharalary barysynda 30-dan asa zeınetkerdi tonaǵan 38 jastaǵy er adam ustaldy, dep habarlaıdy Almaty-akshamy.kz
Almaty qalalyq PD bastyǵynyń orynbasary Rýstam Ábdirahmanovtyń málimetinshe, 1984 jyly týǵan er adam qalanyń Áýezov, Bostandyq jáne Medeý aýdandarynyń aýmaǵynda qylmys jasaǵan.
Qylmysker tek zeınet jasyndaǵy adamdardy tonaǵan - qoǵamdyq oryndarda, atap aıtqanda, bazarlarda, turǵyn úılerdiń aýlalarynda. Aýyr sómkeler men úlken paketter kóterip kele jatqan egde jastaǵy adamdardy baqylap, ádepti adam sıaqty áser qaldyrǵan ol ájelermen áńgimege kirisip, sómkelerdi páterge jetkizýge kómektesýdi usynady.
Qart adamdar kelisedi, keıin aqsha, ámıan nemese uıaly telefony urlanǵanyn anyqtaıdy. «Kómek» kórsetý kezinde qylmysker ol jerden barlyq qundy zatty baıqamaı urlap otyrǵan. Belgili bolǵandaı, ustalǵan er adam buryn da qylmys jasaǵany úshin sotty bolǵan. Kúdikti ýaqytsha ustaý ızolátoryna qamaldy, – delingen Rýstam Ábdirahmanovtyń Instagram-daǵy paraqshasynda.