Almaty qalasynda bir táýlikte 1218 adam koronavırýsqa qarsy vaksına saldyrdy, dep habarlaıdy Pfizer qalalyq qoǵamdyq densaýlyq saqtaý basqarmasyna silteme jasap.
«26 jeltoqsan kúni 1218 almatylyq vaksına saldyrdy. Vaksına saldyrǵandar sany boıynsha Almaty qalasy aldyńǵy orynda. Bıylǵy jyldyń 1 aqpany men 26 jeltoqsan aralyǵynda qalada 1 045 283 turǵyn vaksınanyń birinshi komponentin,1006 850 adam ekinshi komponentin saldyrǵan. Onyń ishinde 123 158 adamnyń jasy 60-tan asqan»,- dep habarlady basqarmadan.
Búgingi tańda Pfizer (Comirnaty) kompanıasynyń ekpesin 28 173 adam saldyrdy. Onyń ishinde 1 540 júkti áıel, 5 612 bala emizetin ana jáne 21 021 jasóspirim bar. 55 192 qala turǵyny revaksınasıadan ótti. Qalada 132 pýnkt jumys istep tur. 756 adamnan turatyn 201 egý brıgadasy bar.
«Qazir medısına uıymdarynda, mektepterde, mádenıet, sport obektilerinde, bazarlar men qalanyń SOSO-da vaksınasıa pýnkti jumys isteıdi», - dep naqtylady densaýlyq saqtaý basqarmasynyń baspasóz qyzmeti.