2025 jylǵa qaraı Almatyǵa 450 myń sheteldik týrıser keledi dep kútilýde.
Almaty qalasyn 2025 jylǵa deıin jáne orta merzimdi perspektıvalardy 2030 jylǵa deıin damytý baǵdarlamasyn iske asyrý sheńberinde, 2030 jylǵa qaraı Almatyda nómirlik qordy halyqaralyq qonaqúı jelilerin tartý jáne otelder qurylysyn salý esebinen 3 esege keńeıtý josparlanyp otyr,dep habarlaıdy Almaty-akshamy.kz.
Búginde «Tenir Eco Hotel» eko-oteli, «Qazaq auyl» glempıngi jáne «Medeu Park Hotel» oteli ekinshi fazasynyń qurylysy júrgizilýde. Atalǵan jobalardyń jalpy quny 15,3 mlrd. teńge jeke ınvestısıany quraıdy.
Sondaı-aq, qalada týrızmdi damytý úshin, jańa tartymdy oryndar - 2024 jyly shamamen 48 mlrd teńge jeke ınvestısıa tartyla otyryp, zamanaýı óner murajaıy qurylady, 2025 jylǵa deıin alańy 70 myń sharshy metrdi quraıtyn halyqaralyq deńgeıdegi is-sharalardy ótkizýge arnalatyn Kongres-ortalyǵynyń jáne 11 myń kórermenge arnalatyn mýltıfýnksıonaldyq konsert holynyń qurylysy bastalady.
Kólik ınfraqurylymyn damytý maqsatynda 2024 jyly Almaty Halyqaralyq áýejaıy jańa termınalynyń qurylysy aıatqtalady dep kútilýde, bul ótkizý qabilettiligin 7 mıllıon adamnan 14 mıllıon adamǵa deıin arttyrýǵa múmkindik beredi. Jeke ınvestısıa kólemi shamamen 100 mlrd. teńgeni quraıtyn bolady. Qosymsha retinde, týrıserdiń boljamdy aǵymyn eskere otyryp, qalanyń kóshelik-jol jelilerin jáne aglomerasıany jańartý júrgiziletin bolady, «P+R» («Park and Ride» – «Kólikti qoı jáne Óte ber») qaǵıdaty boıynsha turaqtardy toqtatý júıesi engiziletin bolady.
2023 jyly Almatyda halyqaralyq deńgeıde 20 is-shara, 2025 jylǵa qaraı olardyń sanyn 30-ǵa deıin arttyra otyryp, ótkizý josparlanyp otyr. Mysaly, Almatyny 2025 jylǵa deıin gastronomıalyq ornalasý retinde tanymaldyǵyn arttyrý maqsatynda, jergilikti mekemelerdi Michelin Guide, The World’s 50 Best Bars ı Asia's 50 Best Restaurants reıtıńilerine engizý máselesi pysyqtalatyn bolady. Budan basqa, kezeń-kezeńmen qaıta qura otyryp jáne "SSKA"-nyń taý shańǵysy bazasyn, «Shymbulaq» jáne «Býtakovka» demalys oryndaryn keńeıte otyryp, Almaty taý klasterin qurý usynylyp otyr, bul shamamen 150 mlrd. teńge jeke jáne memlekettik ınvestısıalardy tartýdy qajet etedi. Nátıjesinde, shańǵy tebýge arnalǵan trassanyń jalpy uzyndyǵy 6 eseden asa, ıaǵnı 25 km-den 159 km-ge deıin ósetin bolady.
2025 jylǵa qaraı Almatyǵa 450 myń sheteldik týrıser keledi dep kútilýde, bul týrısik kórsetiletin qyzmetter eksportynan alǵanda, 260 mlrd. teńge tabys ákeledi. al 2030 jylǵa qaraı kórsetiletin qyzmet eksporty 550 mlrd. teńgege deıin arta otyryp, 1 mln. adamǵa deıin ósedi. "Almaty qalasyn 2025 jylǵa deıin jáne orta merzimdi perspektıvalardy 2030 jylǵa deıin damytý" Baǵdarlamasyn júıeli túrde iske asyrý týrızmniń kelesi: taý, MICE, oqıǵaly, sporttyq, gólf, Art, Wellness jáne t.b. baǵyttary boıynsha joǵary qosylǵan qunymen týrısik klaster qurýǵa múmkindik beredi.