Jelidegi mektep janyndaǵy aǵashtardyń kesilýine baılanysty Almaty qalalyq ekologıa jáne qorshaǵan ortany qorǵaý departamenti túsinikteme berdi
Ol «Samal-3» yqshamaýdanyndaǵy mektep qurylysy júrip jatqan jerdegi qylqan japyraqty aǵashtardyń kesilýine qarsy, dep habarlaıdy Almaty-akshamy.kz QazAqparatqa silteme jasap.
«Jasyl jelek otalyp ketti, mektepti keńeıtip jatyr. Tym bolmasa bir aǵash qaldyrýǵa bolar edi. Bul mekteptiń oqýshylary qurylys kompanıasyn sotqa beredi dep úmittenemin. Ol jerde qaraǵaılar boldy. «Samal-3» yqshamaýdanynyń mańy, 25 korpýs. Foto bir aı buryn túsirilgen», — dep jazdy almatylyq.
Almaty qalalyq ekologıa jáne qorshaǵan ortany qorǵaý departamenti joǵaryda atalǵan mekenjaıǵa bekitilgen jobalyq-smetalyq qujattamaǵa sáıkes, ruqsat berilgenin habarlady.
Basqarmadaǵylar málim etkendeı, jobada mekteptiń irgeles aýmaǵyn abattandyrý qarastyrylǵan. Al ruqsat aıasynda jalpy paıdalanymdaǵy jerlerge ótemdik kóshet otyrǵyzylady.
«Joba boıynsha qurylys alańynda ósip turǵan 19 aǵash kesildi, onyń altaýy qylqan japyraqty. Ótemdik otyrǵyzý irgeles aýmaqta jáne jalpy paıdalanýdaǵy jerlerge 60 dana qylqan japyraqty jáne 130 dana japyraqty aǵash otyrǵyzylady», - dep habarlady vedomstvodan.