Qutqarýshylar eskertý jasady
Qazgıdromettiń daýyldy eskertýi negizinde jáne Kishi, Úlken Almaty ózen alqaptarnyń taý bókterindegi qar jamylǵysynyń turaqsyz bolýyna baılanysty Almatyda 19-24 naýryz aralyǵynda qar kóshkininiń qaýpi saqtalady. Bul týraly Almaty qalalyq tótenshe jaǵdaılar departamentinen málim etti, dep habarlaıdy Almaty-akshamy.kz.
Qar kóshkini qaýpiniń saqtalýyna baılanysty mereke kúnderi taýǵa attanǵan adamdardyń nazaryna jadynama taratylyp, qaýipsizdik boıynsha túsindirý jumystary júrip jatyr.
«Medeý» taý kesheninde týrıser men demalýshylarǵa taýly jerdegi qaýipsiz júrip-turý sharalary týraly jadynyma taratyldy.
«Almaty qalasynyń turǵyndary men qonaqtary tik qarly betkeıge shyqpaǵany abzal. Taýda abaı bolyńyzdar. Kóshkin qaýpi týraly daýyldy eskertý saqtalady»,- dep eskertti qalalyq TJD.
Búgingi kúni Almaty óńirinde 165 qar jınaıtyn ýchaske bar, onyń 18-i qaýipti.
Jalpy 16 márte qar túsirilip, profılaktıkalyq jumys júrgizildi.
Avtojoldardyń aldyn ala jabylǵan ýchaskelerinde jalpy kólemi 320 myńnan astam kýb metr ózdiginen túsken 100 den astam qar kóshkininiń derekteri tirkeldi.
Qar kóshkinin aldyn ala túsirý jumysy usynym boıynsha jáne «Qazgıdromet» RMK qar kóshkini stansıalary mamandarynyń tikeleı qatysýymen ótedi.
Qar kóshkinin profılaktıkalyq túsirýge Respýblıkalyq jedel-qutqarý jasaǵy, Apattyq medısına ortalyǵy, tótenshe jaǵdaılar jáne polısıa departamentiniń mamandary qatysady.
Aıta keteıik, taýly aımaqtarda týyndaıtyn qar kóshkini - qaıtalaný jáne qıratý áseri boıynsha asa qaýipti tabıǵı qubylys.
Qar kóshkini úlken kúshke ıe, onyń maksımaldy jyldamdyǵy saǵatyna 80 km-ge deıin jetýi múmkin.
Kóshkin kezindegi qar massasynyń kólemi - birneshe mıllıon tekshe metr.