2025 jyldyń 5-9 qazany aralyǵynda Aqtaýda Memleket basshysy jarıalaǵan Biliktilik jyly aıasynda túrkitildes elder arasynda alǵashqy kásibı sheberlik chempıonaty «TurkicSkills» ótedi.
Bul tarıhı oqıǵaǵa Qazaqstan, Túrkıa, Ázirbaıjan, Vengrıa, Ózbekstan, Qyrǵyzstan, Túrikmenstan jáne Mońǵolıa sıaqty segiz elden 16 men 22 jas aralyǵyndaǵy 100-den astam jas maman men 80 joǵary bilikti sarapshy qatysady.
Ulttyq qurama sapynda Almaty qurylys-tehnıkalyq kolejiniń stýdentteri bar. Tynyshbaı Dinmuhamed pen Kárim İlmurat «Santehnıka jáne jylýmen jabdyqtaý» jáne «Dánekerleý tehnologıalary» quzyretteri boıynsha Qazaqstan atynan qatysady.
Baıqaý aqparattyq tehnologıalardy, qurylys jáne qurylys tehnologıalaryn, óndiristik jáne ınjenerlik tehnologıalardy, áleýmettik jáne jeke qyzmetterdi qamtıtyn 15 negizgi quzyretti qamtıdy. Mobıldi robototehnıka jáne ushqyshsyz ushý apparattaryn (dron) basqarý sıaqty perspektıvaly salalarǵa erekshe nazar aýdarylady.
Bul aýqymdy halyqaralyq joba kógildir jumys oryndarynyń bedelin nyǵaıtýǵa, kásibı keńistik qurýǵa, túrkitildes elderdiń jas mamandarynyń tájirıbe almasýyn yntalandyrýǵa baǵyttalǵan.
Chempıonat jastardyń áleýetin ashýda, zamanaýı tehnologıalardy ilgeriletýde jáne zaman talabyna tótep bere alatyn bilikti kadrlardyń jańa býynyn damytýda mańyzdy alań bolmaq.
Uıymdastyrýshy – Qazaqstan Respýblıkasy Bilim mınıstrligi. Jobany Qazaqstan Respýblıkasy Bilim mınıstrligine qarasty «Talap» UBO jáne Mańǵystaý oblysynyń ákimdigi júzege asyrýda.