Naýryzbaı aýdanynyń turǵyndarymen kezdesýde Almaty ákimi Erbolat Dosaev aýdandyq mańyzy bar joldardyń qurylysy men jóndelýi týraly aıtty, dep habarlaıdy Almaty-akshamy.kz.
"Naýryzbaı aýdanynyń barlyq shaǵyn aýdandarynda joldardy aǵymdaǵy jóndeý jumystary belsendi júrgizilýde. Búgingi tańda 70 kóshede 30 myń m2 jol jóndeldi. Jyl sońyna deıin 130 kósheni qamtıtyn taǵy 25 myń m2 joldy jóndeý josparlanýda", - dedi ákim.
Sonymen qatar, qalalyq mobıldilik basqarmasy shilde aıynda Aqjar jáne Shuǵyla sh / a 10 kóshe boıynsha 6,5 shaqyrym jol salýdy bastady. 10 kóshede 6,9 km jolǵa ortasha jóndeý júrgizildi. Aǵymdaǵy jyldyń qarasha aıynyń sońyna deıin uzyndyǵy 7 km bolatyn taǵy 6 kóshede ortasha jóndeý jumystary júrgiziledi.
Eske salsaq, bıyl Almatyda uzyndyǵy 200 km bolatyn 230 kósheni ortasha jóndeýmen qamtý josparlanýda, onyń ishinde 73 km Naýryzbaı jáne Alataý aýdandarynda ornalasqan. 215 kóshe aýdandyq mańyzy bar kósheler bolyp tabylady. Alǵabas, Terekti, Tomırıs, Qarasý, Aqbulaq, Zerdeli, Shapaǵat, Shuǵyla, Taýsamaly, Qalqaman, Rahat, Jas Qanat shaǵyn aýdandaryna erekshe kóńil bólindi.