Almaty qalasynda 26 qarasha kúni saǵat 02.45-ten bastap qarǵa ulasqan jańbyr, taýly jáne taý bókterindegi jerlerde jaýa bastady
Saǵat 06.40 qalanyń ortalyq bóligine qar tústi. Tańǵy saǵat 16.00-degi jaǵdaı boıynsha taý bókterindegi aýdandarda 8 sm-ge deıin, taýly aýdandarda 12-15 sm-ge deıin qar jaýdy, dep habarlaıdy Almaty-akshamy.kz
Kóktaıǵaqtyń aldyn alý maqsatynda qalanyń joǵarǵy bóliginde qar jaýa salysymen joldarǵa kóktaıǵaqqa qarsy materıaldar sebilip, qar sypyrylýda. 246 tonna kóktaıǵaqqa qarsy materıaldar paıdalanyldy.
Taýly aýdandarda qar tazalaý uıymdastyryldy, 320 tekshe metr qar syrtqa shyǵaryldy.
Trotýarlardy, jaıaý júrginshiler aımaqtaryn, qoǵamdyq kólik aıaldamalaryn, kópshilik paıdalanatyn oryndar qardan tazartylýda.
583 arnaıy tehnıka birligi, onyń ishinde 202 qumshashqysh jáne 1 504 jol jumysshysy jumyldyryldy.
Aýdan ákimdikteri men qala ákimdiginde qar tazalaý jumystarynyń óndirisin baqylaý boıynsha táýlik boıy kezekshilik uıymdastyryldy.
Almatyda keshke jáne túnde aýa temperatýrasynyń mınýs 8-10 gradýsqa deıin tómendeıdi jáne azdap qar jaýady dep boljanýda.
