Qazaqstan men Ózbekstanǵa Ortalyq Azıadaǵy barlyq óńirlik saýdanyń 70%-ǵa jýyǵy tıesili.
Búgin Túrkistan qalasynda QR Premer-Mınıstri Asqar Mamın ÓR Premer-Mınıstri Abdýlla Arıpovpen kelissóz júrgizip, Qazaqstan men Ózbekstannyń aımaqaralyq yntymaqtastyǵynyń III forýmyna qatysty, dep habarlaıdy Almaty-akshamy.kz Rrimeminister.kz saıtyna silteme jasap.
Saýda-ekonomıkalyq, ınvestısıalyq, aýyl sharýashylyǵy, tranzıttik-kólik, sý-energetıka salalaryndaǵy, ónerkásiptik kooperasıadaǵy, týrızmdegi jáne basqa da salalardaǵy ekijaqty yntymaqtastyqty damytýdyń ózekti máseleleri talqylandy. Qazaqstan men Ózbekstanǵa Ortalyq Azıadaǵy barlyq óńirlik saýdanyń 70%-ǵa jýyǵy tıesili. 2021 jyldyń 9 aıynda ekijaqty taýar aınalymy $2,9 mlrd asty, bul 2020 jyldyń sáıkes kezeńiniń kórsetkishinen 28,5%-ǵa joǵary.
Osy jyldyń qorytyndysy boıynsha Ózbekstan Qazaqstannyń eń iri saýda seriktesteriniń bestigine kirýi múmkin. Ózara saýda kólemin 2022 jyly $5 mlrd deıin jáne 5 jyl ishinde $10 mlrd deıin jetkizý mindeti qoıyldy. Eki eldiń shekarasynda «Ortalyq Azıa» halyqaralyq saýda-ekonomıkalyq yntymaqtastyq ortalyǵyn qurý jobasyn iske asyrý boıynsha jumys júrgizilýde.