Almaty ákimi Erbolat Dosaevtyń ókimimen QR Prezıdenti Ákimshiliginiń kelisimi boıynsha Almaty qalasy ákiminiń orynbasary bolyp Núsipova Ásem Bekqyzy taǵaıyndaldy, dep habarlaıdy Almaty-akshamy.kz
Ásem Núsipova 1975 jyly 1 mamyrda Almaty qalasynda týǵan, ál-Farabı atyndaǵy Qazaq memlekettik ýnıversıtetiniń túlegi, «ekonomıka jáne menedjment» mamandyǵy boıynsha magıstratýra men aspırantýrany bitirgen.
Eńbek jolyn 1999 jyly ál-Farabı atyndaǵy Qazaq memlekettik ýnıversıtetinde asıstent qyzmetinen bastaǵan. 2001 jyly Qazaqstan Respýblıkasy Qaýipsizdik Keńesiniń ekonomıkalyq qaýipsizdik máseleleri jónindegi bóliminiń bas sarapshysy bolyp taǵaıyndaldy, 2002-2003 jyldar aralyǵynda Qazaqstan Respýblıkasy Prezıdenti Ákimshiliginiń júıeli zertteýler Ortalyǵy sektorynyń meńgerýshisi qyzmetin atqardy.
2003-2005 jyldary – Qazaqstan Respýblıkasy Qarjy mınıstriniń keńesshisi, EýrAzEQ hatshylyǵy janyndaǵy Biryńǵaı ekonomıkalyq keńistikti qalyptastyrý jónindegi uıymdastyrý-saraptama tobynyń (qosa atqarýshy boıynsha) keńesshisi. Sondaı-aq 2005 jyly Qazaqstan Respýblıkasy Premer-Mınıstriniń keńesshisi, Premer-Mınıstr keńesshileri tobynyń jetekshisi boldy.
2006 jyly – Qazaqstan Respýblıkasy Premer-Mınıstri Keńsesiniń Jıyntyq taldaý bóliminiń meńgerýshisi.
2007 jyldan 2008 jylǵa deıingi kezeńde Qazaqstan Respýblıkasynyń Densaýlyq saqtaý vıse-mınıstri laýazymynda boldy, keıin 2016 jylǵa deıin «QazTransOıl» AQ Bas dırektorynyń ekonomıka jáne qarjy jónindegi orynbasary qyzmetin atqardy.
2016-2019 jyldar aralyǵynda Ásem Núsipova Shyǵys Qazaqstan oblysy ákiminiń orynbasary boldy. 2020 jyly Qazaqstan Respýblıkasy Densaýlyq saqtaý mınıstrliginiń Jaýapty hatshysy laýazymynda, sońǵy atqarǵan qyzmeti - Qazaqstan Respýblıkasy Densaýlyq saqtaý vıse-mınıstri (2020 jylǵy qazannan 2022 jylǵy aqpanǵa deıin).