Kólikterdiń kólem ólshegishterin urlaýdy kásip qylǵan ury qolǵa tústi.
Bul qylmys qalanyń Naýryzbaı aýdanynda ornalasqan turǵyn alabynda oryn alǵan, dep habarlaıdy Almaty-akshamy.kz Polisia.kz-ke silteme jasap.
«31 jastaǵy S.esimdi azamat ustaldy. Sotqa deıingi tergeý barysynda jas jigit zańsyz baıý maqsatynda Mercedes avtokólikterden kólem ólshegishterdi – massalyq aýa aǵynynyń dachıkterin urlaǵany anyqtaldy. Qylmystyq is QR QK-niń 188-baby (Urlyq) boıynsha tergelip jatyr. Qazirgi ýaqytta kúdikti osyǵan uqsas qylmys jasaǵanyn moıyndady. Ol ýaqytsha ustaý ızolátoryna qamaldy», – dedi Naýryzbaı aýdandyq polısıa basqarmasynyń bastyǵy Danıar Meńdebaev.
Tártip saqshylarynyń aıtýynsha, sońǵy ýaqytta Mercedes kólikterinen kólem ólshegishterdi urlaý jıilep ketken. Bul detaldy úshinshi tulǵalarǵa 15 myń teńgeden 25 myń teńgege deıin satýǵa bolatyny qylmyskerlerdi qyzyqtyrady. Tergeý áreketteri barysynda S. esimdi azamattyń qalada buryn jasalǵan osyǵan uqsas qylmystarǵa qatysynyń bar-joǵy tekseriletin bolady.