“Jol qozǵalysy qaýipsizdigi aptalyǵy” aıasynda Almatynyń patrúldik polısıasy erikti qan tapsyrý naýqanyna belsene qatysty.
Almaty polısıasy qalalyq qan qoryn tolyqtyrdy, dep habarlaıdy Almatyp-akshamy.kz Polisia.kz-ke silteme jasap.
«Polısıa qyzmetkerleri jol-kólik oqıǵalarynyń keıde aýyr zardaptaryn jáne olarda adamdardyń qanshalyqty jaraqat alyp, qaza bolatynyn biledi. Jazataıym oqıǵany tirkeýmen qatar, olar kóbinese apattan zardap shekkenderge alǵashqy medısınalyq kómek kórsetýge májbúr. Búginde qan tapsyrǵan árbir polısıa qyzmetkeri osy sátte halyqtyń qoldaýyna muqtaj jannyń ómirine tikeleı aralasty. Biz úshin donorlyq – eń aldymen azamattyq borysh, sosyn janashyrlyq, tektilik. Biz Antpen azamattardyń konstıtýsıalyq quqyqtary men bostandyqtaryn qorǵaýdy ýáde ettik, sondyqtan búgingi is-áreketti alǵa qoıylǵan mindetterdi júzege asyrýdyń bir ádisi dep sanaýǵa bolady. Biz tapsyrǵan qan bireýdiń ómirin saqtaıdy dep úmittenemiz», – dedi Almaty qalalyq PD jergilikti polısıa qyzmeti basqarmasy bastyǵynyń orynbasary Serik Shýmaev.
Buǵan deıin habarlanǵandaı, 11-19 qarashasy aralyǵynda respýblıka boıynsha “Jol qozǵalysy qaýipsizdigi aptalyǵy” jarıalanyp, soǵan baılanysty Almaty qalasynda jol qozǵalysy qaýipsizdigin qamtamasyz etý maqsatynda keshendi profılaktıkalyq jáne aqparattyq-túsindirý jumystary júrgizildi.