Almaty polısıasy ınternet-alaıaqtyq týraly aqparattyq jadynamalar ázirledi.
Qalalyq PD ınternet-alaıaqtyq qylmysynyń kúsheıgeni týraly habarlady jáne turǵyndardy qyraǵy bolýǵa shaqyrdy, dep habarlaıdy Almaty-akshamy.kz Polisia.kz-ke silteme jasap.
«Ókinishke qaraı, qylmys bir orynda turmaıdy: kún saıyn jańa forma men ádister shyǵyp jatyr. Búginde qarttarǵa qatysty alaıaqtyq derekteri jıilep ketti. Kóbine bul alaıaqtyq jábirlenýshilerdiń úıine nemese telefondaryna qońyraý shalý arqyly jasalady. Alaıaqtar ózderin jaqyn týystary (uly, qyzy, nemereleri) retinde tanystyryp, kenetten týyndaǵan jaǵdaıdy retteý úshin aqsha aýdarý qajet ekenin habarlaıdy», – dedi Almaly aýdandyq polısıa basqarmasynyń bastyǵy Oljas Sháripov.
Spıker búgingi kúni alaıaqtardyń qalaı áreket etetini týraly aqparattyq jadynamalardyń birneshe nusqasy ázirlengenin aıtty.
«Bul jadynamalarda alaıaqtardyń qylmystyq áreketiniń eń tanymal tizbekteri egjeı-tegjeıli sıpattalǵan jáne ońaı aqshany jaqsy kóretinderdiń ýysyna túspeý týraly keńester berilgen. Jadynamalardy turǵyndar arasynda ýchaskelik polısıa ınspektorlary taratady. Maqsat – qoǵamdy qaskóılerden qorǵaý jáne mundaı qylmystyq kórinisterdiń aldyn alý», – dedi Sháripov.