Eki kólikte de bir nómir bolǵan
Polıseılerdiń nazaryna Nissan jáne Toyota Alphard kólikteri ilikti. Eń qyzyǵy – eki kólikte de bir nómir jáne birdeı kólikti tirkeý kýáligi bolǵan, dep habarlaıdy Almaty-akshamy.kz.
«Eki sheteldik kólik te Armenıa Respýblıkasynda tirkelgen. Olardy jerlesterimiz basqarady. Belgili bolǵandaı, shaǵyn avtobýs júrgizýshisi, Qyzylorda oblysy, Jańaqorǵan aýdanyna jolaýshy tasymaldaýmen aınalysady. Ol kólikti birneshe aı buryn Batys Qazaqstanda satyp alǵanyn aıtady. Bul derek Áýezov aýdandyq Polısıa basqarmasynda tirkelgen. Ol boıynsha sotqa deıingi tergeý júrgizilip, tıisti saraptamalar taǵaıyndalyp, nátıjesinde atalǵan kólik júrgizýshileriniń qaısysy “jalǵan” nómirdi paıdalanǵany belgili bolady, odan ári QR zańnamasyna sáıkes sharalar qabyldanatyn bolady», – dedi Almaty qalalyq PD Ákimshilik polısıa basqarmasy bastyǵynyń orynbasary Bolatbek Baıatanov.
Kólik quraldary mamandandyrylǵan aıyppul turaǵyna ornalastyryldy.