Almatynyń polısıa qyzmetkerleri páter urysyn ustady.
Arnaıy is-sharany qalalyq krımınaldyq polısıa basqarmasy, Alataý aýdandyq polısıa basqarmasynyń qyzmetkerleri polısıanyń arnaıy jasaqtarynyń kómegimen júrgizdi, dep habarlaıdy Almaty-akshamy.kz.
«Qylmystyq is materıaldaryna sáıkes, belgisiz bireý "Kókqaınar" shaǵynaýdanyndaǵy úılerdiń birine terezeni buzý arqyly kirgen. “Vızıter” jábirlenýshilerdiń jeke múlkin urlap, olarǵa 5 mıllıon teńge materıaldyq shyǵyn keltirgen. Osy derek boıynsha urlanǵan múlikti satyp alýshy da anyqtaldy. Ol Almaty oblysynyń týmasy, 24 jastaǵy K. esimdi azamat. Basty oryndaýshy 28 jasta. Ol óz kinásin tolyq moıyndady. Atalǵan derek boıynsha 188-baptyń 3-bóligine (Urlyq) sáıkes qylmystyq is qozǵaldy. Ustalǵan adamnyń “qyzmetine” qatysty qosymsha epızodtardy anyqtaý boıynsha qajetti sharalar qabyldanyp jatyr», – dedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.