Krosoverdiń júrgizýshisi júk kóligin basyp ozýǵa árekettengen.
Jetisý oblysynda jol apatynan bir adam qaza taýyp, eki adam jaraqattandy, dep habarlaıdy Almaty-akshamy.kz.
Polisia.kz taratqan málemetke sáıkes, 7 mamyr kúni Jetisý oblysynyń Aqsý aýdanynda Hyundai Tucson jáne GAZ-53 avtokólikteri jol apatyna ushyraǵan.
Almaty-Óskemen tasjolynyń 360-shaqyrymynda krosoverdiń júrgizýshisi júk kóligin basyp ozýǵa árekettenip, onymen janama soqtyǵysyp, saldarynan jol jıegine shyǵyp ketip, aýdaryldy.
54 jastaǵy áıel oqıǵa ornynda kóz jumdy.
Hyundai júrgizýshisi men taǵy bir jolaýshy túrli jaraqatpen jaqyn jerdegi aýrýhanaǵa jetkizildi.
Jol-kólik oqıǵasy boıynsha qajetti saraptama taǵaıyndalyp, sotqa deıingi tergeý amaldary bastaldy.