Tintý kezinde shamamen 30 kelideı esirtki tárkilendi.
Almaty oblysynyń polıseıleri iri esirtki zerthanasyn joıdy, dep habarlaıdy Almaty-akshamy.kz Polisia.kz-ke silteme jasap.
22 jeltoqsanda Eńbekshiqazaq aýdany PB-ǵa Qarashyǵyl ańshylyq sharýashylyǵynyń qoryqshylarynan Eńbekshiqazaq aýdanynyń Baltabaı aýylynyń shetinen kúdik týdyrǵan eki Ýkraına Respýblıkasynyń azamaty tekserilgeni týraly habarlama kelip tústi.
Oqıǵa ornyna kelgen polısıa qyzmetkerleri 43 jáne 28 jastaǵy sheteldikterdiń avtokólikterin tekserý ornynan alys emes jerde tergeý is-qımyldaryn júrgizý barysynda qara tústi paketti tapty. Al paket ishinen aq tústi untaq túrindegi zattary bar móldir polıetılen paketter tárkilendi. Budan ári Almaty oblysy PD EQQKB qyzmetkerleri jedel is-shara barysynda yqtımal esirtki zerthanalarynyń eki mekenjaıyn anyqtady. Sanksıalanǵan tintý júrgizý kezinde atalǵan orynnan Ýkraına Respýblıkasynyń taǵy alty azamaty ustaldy.
Sonymen qatar zerthanalyq jabdyqtar, shyny ydystar men krıstaldy zattary bar metal tabaqtar, hımıalyq zattar tárkilendi. Tintý kezinde shamamen 30 keli «jyldamdyq» esirtki zaty tárkilendi. Atalǵan derek boıynsha sotqa deıingi tergeýdi Eńbekshiqazaq aýdanynyń polısıa basqarmasy júrgizetin bolady.
Qylmystyq is QR QK-niń 297-babynyń, 3-bóligi boıynsha tirkelgen. Kúdiktiler qamaýǵa alyndy. Aıta ketý kerek, jaýap alý kezinde ustalǵandar osyndaı tyıym salynǵan zattardy óndirý boıynsha úshinshi zerthananyń ashylýyna daıyndalǵandaryn jetkizgen.