Ruqsat etilmegen polıgon
Birneshe kún buryn áleýmettik jelilerde Almaty oblysynda qoqys úıindisin zańsyz ornalastyrý týraly beınerolık jarıalandy, dep habarlaıdy Almaty-akshamy.kz.
Almaty oblysy boıynsha ekologıa departamenti aǵymdaǵy jyldyń 25 qańtarynda qoqys tógetin oryn ornalasqan Shelek aýylynyń batys bóliginiń aýdanyna baryp, jergilikti turǵyndarmen kezdesý ótkizdi.
Bul sapar jergilikti atqarýshy organdardyń, BAQ ókilderimen jáne Shelek polısıa bóliminiń qyzmetkerlerimen birlesip júzege asyryldy.
«Tekserý barysynda ruqsat etilmegen polıgonda qatty turmystyq, medısınalyq qaldyqtar men munaı ónimderi boldy. Departament Shelek aýylynyń ákimdigine jáne «Balıs 2007» JSHS ókilderine olardy joıý boıynsha jedel sharalar qabyldaý týraly tapsyrma berdi», - dep jazdy Ekologıa jáne tabıǵı resýrstar mınıstrliginen.
Shelek polısıa bóliminiń qyzmetkerleri tirkeý materıalyn jasaqtady, onyń nátıjeleri boıynsha kináli adamdarǵa qatysty Qazaqstan Respýblıkasynyń qoldanystaǵy zańnamasyna sáıkes tıisti sharalar qabyldanatyn bolady.