Osy jyly reaktorlyq tehnologıany tańdaý boıynsha jumystar júrgiziledi
Atom elektr stansıasyn salý salynatyn jer áli tańdalǵan joq. Bul týraly Energetıka mınıstri Bolat Aqsholaqov málimdedi, dep habarlaıdy Almaty-akshamy.kz Baq.kz-ke silteme jasap.
Ózderińiz biletindeı, Qazaqstan atom elektr stansıasyn salý máselelerin qaraý boıynsha jumys júrgizýde. Ol úshin elimizde barlyq obektıvti alǵysharttar bar. Bul – ýran men ony qaıta óńdeý ónimderiniń qorlary, sondaı-aq ǵylymı baza.
«2022 jyly Qytaı (CNNC), Reseı (Rosatom), Koreıa (KHNP), Fransıa (EDF) sıaqty elderden jetkizýshilerdiń tekserilgen reaktorlyq tehnologıalarynyń «qysqa tizimi» jasaldy. Osy jyly reaktorlyq tehnologıany tańdaý boıynsha jumystar júrgiziletin bolady», - dedi Aqsholaqov mınıstrliktiń keńeıtilgen alqa otyrysynda.
Onyń aıtýynsha, atom elektr stansıasyn ornalastyrýdyń ońtaıly alańy retinde Almaty oblysynyń Jambyl aýdany usynyldy.
«2023 jyly atom elektr stansıasyn ornalastyrý aýdanyn tańdaý máselesi qoǵamdyq talqylaýǵa shyǵarylatyn bolady», - dep málimdedi mınıstr.