«Brakoner» jedel aldyn alý sharasy júrgizilýde
Almaty oblysynda zańsyz balyq aýlaǵan brakoner ustaldy, dep habarlaıdy Almaty-akshamy.kz Polisia.kz-ke silteme jasap.
Aǵymdaǵy jyldyń 30 aqpanynda “Brakoner” jedel-aldyn alý is-sharasy barysynda Balqash aýdandyq polısıa bóliminiń qyzmetkerleri Balqash-Alakól baseındik ınspeksıasymen birlesip, Balqash kólinde zańsyz balyq aýlaǵan azamatty ustady. Zań buzýshy 600 metrlik plasıkalyq qyl jasalǵan aýdy paıdalanyp , jalpy salmaǵy 104 kg bolatyn ártúrli balyqtardy zańsyz aýlaǵan.
«Atalǵan derek QR QK-niń 335-baby 1-bóligi boıynsha tirkeldi. Aıǵaq zat retinde Jambyl oblysynyń azamatynan 104 kg balyq (kókserke 85 kg, vobla 19 kg ), 600 metrlik aý alyndy. Memleketke keltirilgen zalal kólemi anyqtalýda», – deıdi Balqash APB bastyǵy Daýren Qutpanov.
Esterińizge sala keteıik, Almaty oblysynyń aýmaǵynda brakonerlik, zańsyz balyq aýlaý, zańsyz aǵash kesý, jer qoınaýyn zańsyz paıdalaný jáne tabıǵatty qorǵaý zańnamasyn buzýdyń basqa da faktilerin anyqtaý maqsatynda «Brakoner» jedel aldyn alý sharasy júrgizilýde.