SHQO polıseıleri jedel is-sharalardy ótkizý barysynda Almaty oblysynda asa iri mólsherde esirtki zattaryn jetkizýmen aınalysqan 52 jastaǵy er adamdy ustady.
Kúdiktiniń turǵylyqty jerin tintý kezinde spesıfıkalyq ıisi bar skochpen oralǵan ósimdik tektes zat salynǵan eki polımerli paket tárkilendi, dep habarlaıdy Almaty-akshamy.kz Polisia.kz-ke silteme jasap.
Júrgizilgen saraptamaǵa sáıkes, tárkilengen zat jalpy salmaǵy 20 keliden asatyn keptirilgen marıhýana esirtki zaty ekeni anyqtaldy.
Er adam esirtki zatyn keıinnen oblys ortalyǵynyń turǵyndary arasynda satýdy josparlaǵan. Kúdiktige qatysty QR QK-niń 297-baby 3-bóligi (Asa iri mólsherdegi esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) boıynsha sotqa deıingi tergep-tekserý bastaldy.