Almaty oblysynda eki jasar bala sýǵa batyp ketti. Sábıdiń denesi jergilikti Syganka ózeninen tabyldy, dep habarlaıdy Almaty-akshamy.kz Egemen.kz-ke silteme jasap.
Talǵar aýdany TJB qyzmetkerleriniń málimetinshe, qutqarýshylar bala joǵalǵannan keıin eki saǵattan soń shaqyrylǵan.
«Shamamen, saǵat 16:00-de sábı jeke turǵyn úı aýlasynan joǵalyp ketti. Týys-týǵandary izdegenderimen, esh jerden taba almady. Olar organdardan 18:15-te kómek suraǵan. Oqıǵa ornyna polıseıler, qutqarýshylar jáne kınologtar bardy. Ókinishke qaraı, ul balanyń denesi ózennen tabyldy. Úı osy ózenge jaqyn jerde ornalasqan», delinedi TJB habarlamasynda.
Sábı 29 mamyrda eki jasqa tolar edi.
TJB mamandary ata-analardan balalaryn qaraýsyz qaldyrmaýdy, tótenshe jaǵdaı kezinde dereý 101 nómirine qońyraý shalýdy suraıdy.