Dárihanalardy tekserý kezinde polıseıler dárigerlerdiń reseptisiz dári-dármekterdi bosatýdyń 9 deregin anyqtady.
Almaty oblysynda «Dármek» jedel-profılaktıkalyq is-sharasy qorytylandy, dep habarlaıdy Almaty-akshamy.kz Polisia.kz saıtyna silteme jasap.
29 qarasha men 3 jeltoqsan aralyǵynda Almaty oblysynyń aýmaǵynda esirtkiniń resmı aınalymyndaǵy quqyqbuzýshylyqtardy anyqtaýǵa baǵyttalǵan «Dármek» jedel-profılaktıkalyq is-sharasynyń tórtinshi kezeńi ótkizildi.
Jedel aldyn alý is-sharasy barysynda polısıa qyzmetkerleri 12 ákimshilik quqyq buzýshylyq deregin anyqtady. Onyń qatarynda QR ÁQBtK-niń 424-baby (Zańsyz medısınalyq nemese ózge de farmasevtıkalyq qyzmet) boıynsha bir derek bar, bul rette quramynda psıhotroptyq analgetık bar dárilik zat tárkilendi. Eki quqyq buzýshylyq QR ÁQBtK-niń 427-baby (Esirtki aınalymy salasyndaǵy obektilerdi tehnıkalyq nyǵaıtý talaptaryn buzý) boıynsha qujattaldy.
Dárihanalardy tekserý kezinde polıseıler dárigerlerdiń reseptinsiz dári-dármekterdi bosatýdyń 9 deregin anyqtady. Osy barlyq derekterge sáıkes ákimshilik qujattar QR ÁQBtK-niń 426 -baby (Farmasevtıkalyq qyzmettiń jáne dárilik zattar men medısınalyq buıymdardyń aınalysy salasynyń qaǵıdalaryn buzý) boıynsha jınaqtaldy. Polısıa quramynda esirtkisi bar preparattardy satý kezinde dárihana satýshylary jol bergen quqyq buzýshylyq derekteri belgili bolǵan jaǵdaıda, barlyq azamattardy «102» telefonyna nemese jaqyn mańdaǵy aýmaqtyq polısıa bólimshesine habarlaýǵa shaqyrady.