Oblys aýmaǵynda epıdahýal kúrdeli.
Almaty oblysynda epıdemıologıalyq jaǵdaıdyń ýshyǵýyna baılanysty jańa qaýly jarıalandy, dep habarlaıdy Almaty-akshamy.kz
«Ashyq» jobasyna qatysýyna qaramastan, tómendegi sharalardy ótkizýge tyıym salynady.
- konsert zaldarynyń, sırkterdiń, fılarmonıalardyń qyzmetine;
- dinı birlestikter obektilerinde (meshitter, shirkeýler, soborlar, sınagogalar jáne t.b.) ujymdyq is-sharalar ótkizýge (juma namazy, dinı joralar jáne t.b.);
- konferensıalar, semınarlar, kórmeler, forýmdar ótkizýge;
- túngi klýbtardyń qyzmetine;
- qoǵamdyq tamaqtaný obektilerindegi bar tireýlerde qyzmet kórsetý, án aıtý jáne bı boıynsha qyzmetter kórsetýmen karaoke qyzmeti (qoǵamdyq tamaqtaný boıynsha qyzmetterdi qospaǵanda);
- «Ashyq» jobasyna qatysýshy obektilerde 30 adamǵa deıin eske alýdy ótkizýdi qospaǵanda, saltanatty, buqaralyq (banketter, úılený toılary, mereıtoılar, aýyzashar, korporatıvter jáne t.b.), ashyq aýada jáne jabyq jaılarda oıyn-saýyq is-sharalaryn uıymdastyrý, ótkizý jáne qatysýǵa bolmaıdy; 2) kınoteatrlardyń («Ashyq» jobasyna qatysýshylardyń) tolymdylyǵy 30% aspaýy tıis;
«600-den astam oqýshylar oqıtyn mektepter – qashyqtyqtan oqytý formatyna aýystyrylsyn. JOO-y, arnaıy orta bilim berý obektileri aralas oqytý formatyna aýystyrylsyn. barlyq dárister onlaın, praktıkalyq, zerthanalyq sabaqtar yńǵaılastyrylǵan keste boıynsha, semınarlyq sabaqtar shtattyq rejımde ótedi. Mektepke deıingi bilim berý – ata-analardyń (zańdy ókilderiniń) jazbasha kelisimimen oqytýdyń shtattyq formaty bolýy kerek. Qosymsha bilim berý uıymdarynda - jeke sabaqtar shtattyq rejımde, toptyq - 10 adamǵa deıin, balalar/eresekterge arnalǵan túzetý ortalyqtarynda – jeke jáne toptyq sabaqtar 10 adamǵa deıin shtattyq rejımde ótkizilýi kerek»,- delingen Almaty oblysynyń bas memlekettik sanıtarlyq dárigeri orynbasarynyń 2022 jylǵy 14 qańtardaǵy №1 qaýlysynda.
Qaýly Almaty oblysynyń aýmaǵynda COVID-19 koronavırýstyq ınfeksıasynyń taralýy boıynsha epıdemıologıalyq jaǵdaıdyń nasharlaýyna baılanysty shyqty. Sonymen qatar, qyzmetkerlerde COVID-19-ǵa qarsy vaksınalaý jáne revaksınalaý júrgizilgenine qaramastan, memlekettik organdar, uıymdar jáne kásiporyndar personalynyń (tirshilikti qamtamasyz etý obektilerinen basqa) keminde 70%-y qashyqtyqtan jumys nysanyna kóshýi tıis.
Aıta keteıik, Almaty oblysynda koronavırýs juqtyrǵandardyń sany kúrt ósti. 13 qańtarda 257 adamnan atalǵan indet anyqtalǵan.