Almatynyń qoǵamdyq kólik parki gazben júretin 105 jańa ekologıalyq taza jáne jaıly Golden Dragon avtobýstarymen tolyqty. Jaqyn arada taǵy 45 avtomobıl jetkiziledi dep kútilýde. Aǵymdaǵy jyly ekologıalyq taza kólik úlesin 50%-ǵa deıin jetkizý josparlanýda, dep habarlaıdy Almaty-akshamy.kz.
Syıymdylyǵy 90 adam Evro-5 ekologıalyq klasty edeni tómen, úsh esikti avtobýstar kondısıonermen, beınebaqylaý kameralarymen, aıaldamalardyń avtomatty daýystyq habarlandyrýmen, júrgizýshiniń sharshaǵanyn tirkeıtin dachıkpen, beınetirkegishpen, erekshe qajettilikteri bar adamdarǵa arnalǵan pandýspen jáne basqa da opsıalarmen jabdyqtalǵan.
Tehnıkalyq jabdyqtalǵannan keıin búgin №44 baǵyt boıynsha 14 jańa avtobýs jolǵa shyǵady. Qalǵan avtobýstar jaqyn kúnderi tehnıkalyq daıyndyǵyna qaraı eń kóp júretin baǵyttardy jańartý jáne kúsheıtý úshin jolǵa shyǵady.
Jalpy, birinshi jartyjyldyqtyń sońyna deıin qoǵamdyq kólik parki 300 jańa avtobýs alatyn bolady. Jyl ishinde qosymsha gazben júretin 250 avtobýsty jeke tasymaldaýshy satyp alady.
Búginde qala ákimdigi ekologıalyq jaǵdaıdy jaqsartýǵa baǵyt aldy. Bul baǵytta ekologıalyq taza kólik sanyn arttyrý, aýanyń jaǵdaıyn jaqsartý, halyqtyń ómiri men densaýlyǵy úshin jaıly qorshaǵan ortany qamtamasyz etý, avtobýstardyń júktemesin azaıtý jáne jolaýshylar aınalymyn ulǵaıtý boıynsha jumystar júrgizilýde.