Almaty qalasyndaǵy JEO arnalǵan gaz ınfraqurylymynyń qurylysy josparǵa sáıkes júrýde
«QazaqGaz» UK» AQ Basqarma tóraǵasynyń orynbasary Meıirbek Ihsanov pen «Intergaz Ortalyq Azıa» AQ Bas dırektory Manas Tasybaev Almatyda JEO-2 jáne JEO-3-te gaz qubyry ınfraqurylymyn salý barysyn tekserdi, dep habarlaıdy Almaty-akshamy.kz «QazaqGaz» UK» AQ baspasóz qyzmetine silteme jasap.
«QazaqGaz» UK» AQ enshiles kompanıasy «Intergaz Ortalyq Azıa» AQ-nyń Almaty JEO-ny gazǵa aýystyrý jónindegi Memleket basshysynyń tapsyrmasyna sáıkes, eki avtomatty gaz taratý stansıasynyń qurylysy bastady. AGTS ónimdiligi 250 jáne tıisinshe 150 myń m3/saǵ quraıdy. Budan basqa, qýattylyǵy saǵatyna 1000 myń m3 «Almaty-Baıserke-Talǵar» jáne «Qazaqstan-Qytaı» magıstraldyq gaz qubyrlary arasynda TIP-04 gaz jalǵastyrý qubyryn salý júzege asyrylýda.
«Tabıǵı gazdy berýdiń qosymsha kózi odan ári energetıkalyq qaýipsizdikti ustap turýǵa jáne Almaty oblysy boıynsha onyń ishinde JEO-2 jáne JEO-3 gazdandyrýdy eskere otyryp, Almaty energokesheni úshin gazdy senimdi jáne úzdiksiz tasymaldaýdy qamtamasyz etýge múmkindik beredi», - dedi Meıirbek Ihsanov.
Jobalyq qujattamaǵa sáıkes, merdiger uıymdar qajetti jabdyqqa tolyq tapsyrys berip, onyń merziminde jetkizilýi kútilýde. AGTS jáne TIP-04 gaz jalǵastyrý qubyryn salýdy aıaqtaý 2023 jylǵy jeltoqsan aıynyń sońyna josparlanǵan.
Jobany iske asyrý Almaty qalasy men onyń mańyndaǵy aýanyń lastanýyn azaıtý esebinen adamdardyń ómir súrý sapasyn jaqsartady, sondaı-aq ósip kele jatqan energıa tutynýdy óteıdi dep kútilýde.
«Qorshaǵan ortaǵa áserin barynsha azaıta otyryp, Almaty JEO-yn jańǵyrtý» jobasy «Samuryq-Energo» AQ basshylyǵymen iske asyrylýda. Óz kezeginde QazaqGaz, gaz ınfraqurylymynyń qurylysymen aınalysyp jatyr.