Almaty qalasynyń jastaryna turǵyn úı satyp alýǵa arnalǵan jeńildetilgen nesıe alý baǵdarlamasyna ótinish qabyldaý bastaldy, dep habarlaıdy aqshamnews.kz
35 jasqa deıingi jastar 29 shilde men 7 tamyz aralyǵynda almaty-zhastary2024.kz saıty arqyly ótinish bere alady. Ótinish berý úshin elektrondyq sıfrlyq qoltańba qajet.
Baǵdarlama aıasynda nesıe berý sharttary:
- Qaryzdyń eń kóbi – 18 mln teńgege deıin;
- Paıyzdyq mólsherleme – 5%;
- Bastapqy jarna – 10%;
- Bastapqy jáne qaıtalama turǵyn úı alý múmkindigi.
Bıyl 1 200 adamdy qamtý josparlanǵan. Baǵdarlamaǵa qatysý úshin qoıylatyn negizgi talaptar:
- Qazaqstan Respýblıkasynyń azamattyǵy.
- Turaqty tirkeý: Ótinish berý kezinde ótinish berýshiniń jáne jubaıynyń (bar bolsa) Almaty qalasynda turaqty tirkeýi bolýy.
- Jas shekteýi: Ótinish berý kezinde qatysýshy 35 jasqa tolmaýy kerek, al jubaıynyń (bar bolsa) jasy esepke alynbaıdy. Baǵdarlamaǵa negizgi qatysýshy retinde erli-zaıyptynyń bireýi ǵana qatysa alady.
- Turǵyn úıdiń bolmaýy: Qatysýshynyń jáne onyń otbasy múshesinde menshik quqyǵynda turǵyn úıdiń bolmaýy, sondaı-aq Qazaqstan aýmaǵynda sońǵy 5 jyl ishinde turǵyn úı jaǵdaıyn ádeıi nasharlatý dereginiń bolmaýy.
- Jumys ótili: Qatysýshynyń Almaty qalasynda densaýlyq saqtaý, bilim berý, mádenıet, sport, JOO-lar jáne ǵylymı-zertteý ınstıtýty, jýrnalısıka, áleýmettik salada, quqyq qorǵaý organdarynda, qalalyq komýnaldyq qyzmetterde jáne «Jumys isteıtin jastar» baǵdarlamasy boıynsha jaldamaly jumys (2019 jyly jeltoqsan) sanattarynda eń kemi sońǵy 6 aı boıy mindetti zeınetaqy aýdarymy bar jumys ótili bolýy qajet.
Baǵdarlamaǵa qatysý úshin ótinish berýshiler almaty-zhastary2024.kz saıtyna kirip, qajetti málimetterdi toltyryp, elektrondyq sıfrlyq qoltańba arqyly ótinishterin jibere alady.
Bul baǵdarlama jastardyń turǵyn úı máselesin sheshýge baǵyttalǵan mańyzdy qadam bolyp tabylady. Jas qazaqstandyqtardyń ómir súrý sapasyn jaqsartýǵa arnalǵan bul múmkindik kóptegen otbasylar úshin qoljetimdi bolmaq.