Ol Almatynyń barlyq ınfraqurylymyna shamadan tys salmaq salady
Almaty ákimdigi megapolıs halqy tez ósip jatqanyn aıtyp otyr. Jyl saıynǵy ósimniń 60%-y mıgranttar esebinen, dep habarlaıdy Almaty-akshamy.kz Zakon.kz-ke silteme jasap.
Bul qalamyzdyń qarqyndy damýynyń katalızatory boldy. Al ol Almatynyń barlyq ınfraqurylymyna shamadan tys salmaq saldy. Bul týraly búgin qala ákimi Erbolat Dosaev Qoǵamdyq keńes otyrysynda habarlady.
Ákimdik halyqtyń qarqyndy ósýin eskere otyryp, 2030 jylǵa qaraı Almaty aglomerasıasynda 4 mıllıon adam turady dep boljady.
«Almaty balanssyz, úılesimsiz damydy. Qalanyń tarıhı ózegi shamadan tys júktelgen. Onda sapaly áleýmettik ınfraqurylym nysandarynyń kóp bóligi ornalasqan – mektepter, balabaqshalar, aýrýhanalar, teatrlar, saıabaqtar jáne basqa da nysandar», – dedi qala ákimi.
Sonymen qatar ákimdiktiń habarlaýynsha, halyq ósiminiń basym bóligi bolyp keletin qalanyń jańa aýdandarynda sapaly áleýmettik ınfraqurylym, qoǵamdyq keńistikter men jasyl jelekter jetispeıdi.