Almaty qalasynda 970 dárihana bar, olardyń 407-si jelige jatady. Búgingi kúni 10.00-den 17.00-ge deıingi rejımde 277 dárihana jumys isteıdi, onyń ishinde 138 jelilik jáne 139 jeke dárihana. Jedel málimetter boıynsha, 15 dárihana zardap shekken, dep habarlaıdy Almaty-akshamy.kz
Qalanyń dárihanalaryna dárilik zattar men medısınalyq maqsattaǵy buıymdardy jetkizýdi «Medservıs», «INKAR», «Amanat» 3 iri farmkompanıasy júzege asyrady. 10 qańtardaǵy jaǵdaı boıynsha, «Medservıs» kompanıasy 40 293 birlik kóleminde DZ-nyń 1070 túrin tıep jóneltken, «Amanat» kompanıasy 203 700 birlik kóleminde DZ-nyń 2040 túrin tıep jóneltken. Basqa iri jetkizýshiler 11 qańtardan bastap qala dárihanalarynyń tapsyrystary boıynsha DZ jáne MMB jetkizýdi bastaıdy.
Almaty qalasynyń tynys-tirshiligin qamtamasyz etýdi qalpyna keltirý jónindegi qalalyq shtab