1 074 jańa jumys orny ashyldy.
Almaty Business–2025 aımaqtyq baǵdarlamasy qurylǵannan beri 16,7 mlrd teńgeniń 228 jobasy qarjylandyryldy. Onyń ishinde 13,6 mlrd teńge somasyna 56 joba «Almaty Finance» JSHS-de jáne 3,1 mlrd teńgege 172 joba «Almaty» JSHS-de qarjylandyryldy. Bıznesti jeńildikpen nesıelendirýdiń arqasynda Almatyda 1 074 jańa jumys orny ashyldy. Berilgen qaryzdardyń 80%-dan astamy basym baǵyttarǵa – áleýmettik salaǵa, ónerkásipke jáne kreatıvti ekonomıkaǵa tıesili, dep habarlaıdy Almaty-akshamy.kz.
2022 jyly «Almaty Business-2025» baǵdarlamasy aıasynda 1300-den astam jańa jumys oryndaryn quryp, 330 jumys ornyn saqtaı otyryp, 160-tan astam jańa jobany maquldaý jáne berý josparlanýda. Sondaı-aq búdjetke túsetin qosymsha túsimderdiń salyq salynatyn bazasy jylyna keminde 1,5 mlrd teńgege ulǵaıtylatyn bolady.
Sonymen qatar, «Almaty Business-2025» baǵdarlamasy aıasynda 669 jańa jumys ornyn qurýmen jalpy ınvestısıalar somasy 1,5 mlrd teńgege 8 óndiristik park iske qosyldy. 2022 jyly Indýstrıaldy aımaqta jalpy ınvestısıa somasy 2,1 mlrd teńge bolatyn, 380 jumys orny ashylatyn 5 ónerkásiptik parkti iske qosý josparlanǵan; kelesi jyldary jalpy somasy 2,7 mlrd teńge bolatyn, 710 jumys ornyn ashylatyn 4 jobany iske qosý josparlanǵan.
Bólingen qarjylandyrýdyń shamamen 70%-y iskerlik belsendiligi tómen jáne orta aýdandarda (Alataý, Áýezov, Jetisý, Naýryzbaı, Túrksib aýdandary) bıznesti qoldaýǵa baǵyttaldy. Qosymsha, «Almaty» ÁKK» AQ quraldary arqyly 1 myń jumys ornyn qurýmen 18 iri joba (8 áleýmettik jáne 10 komersıalyq) iske asyryldy, 95,8 mlrd teńge ınvestısıa tartyldy.
Bızneske qarjylaı emes qoldaý kórsetý boıynsha 2021 jyly «Qoldaý» kásipkerlik ortalyǵynda 44,5 myńnan astam konsýltasıalyq qyzmet kórsetildi, memlekettik jáne óńirlik baǵdarlamalar boıynsha qarjylandyrýǵa deıin jalpy somasy 7,9 mlrd teńgege 225 joba maquldandy, 370 joba ruqsat qujattaryn aldy, 941 bıznes-jospar ázirlendi, kásipkerlik negizderine 10 myńnan astam tyńdaýshy oqytyldy.
Anyqtama: Almaty qalasy máslıhatynyń 2019 jylǵy 13 jeltoqsandaǵy № 419 sheshimimen bekitilgen «Almaty Business-2025» kásipkerlikti damytýdyń óńirlik baǵdarlamasy.