Búgin Qurban aıt merekesiniń alǵashqy kúni. Bul kúnderi qurbandyqqa mal shalyp, azyǵy joq, muqtaj jandarǵa taratyp beredi. Islam túsinigi boıynsha joq-jitik jandarǵa kómektesý saýapty is. Osyǵan baılanysty jınalǵan jamaǵattyń Aıt namazynan keıin birqatary mal bazaryna qaraı aǵyldy. Bul týraly Almaty-akshamy.kz Almaty.tv-ge silteme jasap.
Almatyda bıyl qurbandyq shalýǵa 13 oryn belgilendi. Onyń ishinde «Taý Samaly» bazary bar. Munda mal alýshy adamdar qatary óte kóp. Onda qoı baǵasy 40 myń tegeden bastalyp, 170 myń teńgege deıin barady. Qoı soıý baǵasy – 1000-3000 myń teńge aralyǵynda, bas sıraq uıtý – 1000 teńge, ishek-qaryn tazalaý 1000 teńge turady. Degenmen maldyń ishek-qaryn almaı ketip jatqandar óte kóp.
Sondaı-aq, munda 7-8 aılyq toqtylar da bar. Olardyń baǵasy 40 myń teńgeden bastalady. Degenmen, Aıt namazy kezinde Ortalyq meshittiń bas ımamy qańtar-aqpan aıynda týǵan qozylar qurbandyq shalýǵa jaramaıtynyn aıtqan bolatyn.
Qurbandyq úshin maldyń úsh túrin: túıe, sıyr, qoı ne bolmasa eshkini soıýǵa bolady. Qusty soıýǵa bolmaıdy, al jylqy maly Imam Aǵzam joly boıynsha soǵys kóligi sanalatyndyqtan, qurbandyqqa jatpaıdy. Qurbandyqqa qoı men eshkiniń bir jasqa tolǵany, túıeniń bes, sıyr men ógizdiń eki jasqa tolǵany soıylady. Bulardyń dene músheleri túgel ári saý bolýy shart.