Argentına ǵalymdary dınozavrlardyń jańa túrin anyqtady, dep habarlaıdy Almaty-akshamy.kz Inform.kz-ke silteme jasap.
Ol Djordj Martınniń «Muz ben ot ánderindegi» aıdahardyń qurmetine Merakses Gıgas dep ataldy. Kesirtkeniń basy úlken, aldyńǵy aıaqtary qysqa bolǵan. Bul – 90 mıllıonnan astam jyl buryn Patagonıada ómir súrgen jyrtqysh karharodontozavr.
Aldyńǵy aıaqtarynyń qysqalyǵy ony tıranozavr reks túrine uqsatatyn. Sarapshylar dınozavrlardyń bul qasıeti olardyń toptasyp tamaqtaný kezinde basqa dınozavrlardyń tisteýinen qorǵaǵan dep paıymdap otyr.
«Olar buryn-sońdy tirshilik etken eń úlken jyrtqysh dınozavrlardyń biri. Biraq buǵan deıin bas súıekteri bútin túrinde tabylmapty. Kóptegen ólshemder tek boljam bolǵam.Endi, Meraks anyqtalǵan kezde, biz bas súıek pen tabannyń naqty ólshemine jaqyndadyq. Bul osy túrdiń evolúsıasyn túsiný úshin qajet», - deıdi paleontolog Sebastán Apestegýııa.
Argentınada tabylǵan dınozavrdyń jasy 39 ben 53 arasynda bolǵan. Bul – jer betinde tabylǵan eń kóne úlgilerdiń biri. Merakses tıranozavr reks paıda bolǵanǵa deıin shamamen 20 mıllıon jyl buryn joıyldy.