Teńiz kenishindegi jarylysqa baılanysty 4 myń qyzmetker demalysqa jiberildi, dep habarlaıdy Almaty.akshamy.kz Almaty.tv-ge silteme jasap.
Synaq júrgizgen merdiger uıym jumysyn ýaqytsha toqtatty. Búginde 4 myńǵa jýyq qyzmetker demalysqa jiberildi.
«Bolǵan oqıǵadan keıin jumys ishinara toqtatyldy, jumysshylarǵa osy kúnderge jalaqy tólenetini eskerilip, úılerine jiberildi. Oqıǵanyń sebebin anyqtaıtyn arnaıy komısıa quryldy. Mundaı jaǵdaı bizde alǵash ret oryn alyp otyr», - dedi «Senimdi Kurylys» JSHS Óndiristik qatynastar jónindegi menedjeri Gúlmıra Bapanova.
Oqys oqıǵa «Senimdi Kurylys» JSHS qyzmetkerleri vahtasynyń aıaqtalýyna eki kún qalǵanda oryn aldy.
Esterińizge salamyz, 6 shilde tańerteń Teńiz kenishindegi jarylys bolyp, eki adam qaza tapty, taǵy úsh adam aýrýhanaǵa túsken bolatyn.