İs-sharaǵa saıası qýǵyn-súrgin jáne asharshylyq qurbandarynyń týystary men jaqyndary, mádenıet qaıratkerleri, qoǵam ókilderi qatysty.
Saıası qýǵyn-súrgin qurbandaryn eske alý kúni qala basshysy Erbolat Dosaev 1931-33 jyldardaǵy asharshylyq qurbandaryna arnalǵan eskertkishke gúl shoqtaryn qoıý rásimine qatysty, dep habarlaıdy Almaty-akshamy.kz
Nóser jańbyrǵa qaramastan, eske alý kúni rásimine qalanyń 100-den astam turǵyny jınaldy. Olar qaza bolǵandardy bir mınýt únsizdikpen eske alyp, eskertkishke gúl shoqtaryn qoıdy.
Eske alý sharasy barysynda jazýshy Smaǵul Elýbaı, QR Ulttyq Ǵylym akademıasynyń akademıgi, saıası qýǵyn-súrgin qurbandaryn tolyq ońaltý jónindegi memlekettik komısıanyń múshesi Hangeldi Ábjanov, kınorejısser Gennadıı Zemel sóz sóıledi. Eske alý sharasyna qatysýshylar qaıǵyly oqıǵalardy este saqtap, saıası qýǵyn-súrgin qurbandaryn aqtaý boıynsha jumysty jalǵastyrý qajettigin atap ótti.
Ár túrli málimetter boıynsha, 30-shy jyldardaǵy halyq sany ótken jyly 3 mıllıonnan astam adamǵa azaıdy. Elimizdiń 100 myńnan astam turǵyny saıası qýǵyn-súrginniń qurbany boldy.
Bul kúnderi qalada túrli estelik is-sharalar, sonyń ishinde «dóńgelek ústelder» formatyndaǵy konferensıalar, tarıhı-aǵartýshylyq dárister, teatrlandyrylǵan qoıylymdar, kitaphanalarda foto jáne kitap kórmeleri, jastardyń zıaly qaýym ókilderimen kezdesýleri jáne t. b. ótýde.
.