Erbolat Dosaev Halyqpen 24 kezdesý ótkizedi.
Almaty ákimi Erbolat Dosaevtyń halyqpen úshinshi kezdesýi Áýezov aýdanynda ótti. İs-sharaǵa aýdannyń 500-den astam turǵyny keldi, dep habarlaıdy Almaty-akshamy.kz.
«Osy múmkindikti paıdalana otyryp, aýdanymyzdyń qurylǵanynyń 50 jyldyq mereıtoıymen shyn júrekten quttyqtaǵym keledi! Áýezov aýdany 1 sharshy metrge 13,1 myń turǵyn ornalasqan ári jalpy qalalyq kórsetkishten 4,5 ese kóp Almatynyń eń tyǵyz qonystanǵan aýdany bolyp tabylady.Saýda obektileriniń jetkiliktiligi men jaqyndyǵy jáne damyǵan ınfraqurylym aýdannyń áleýmettik-ekonomıkalyq jaǵynan serpindi damýyna yqpal etedi», - dedi Erbolat Dosaev óziniń sózinde.
Almaty ákiminiń málimetinshe, jyl basynan beri ınvestısıa men salyq kólemi ósken. Aýdanda shaǵyn jáne orta bıznes belsendi damýda. 37 myńnan astam sýbekt jumys isteıdi – qalanyń árbir altynshy SHOB sýbektisi Áýezov aýdanynda tirkelgen. Bıyl 4,5 myń jańa jumys ornyn ashý josparlanýda, onyń 3,3 myńy Jumyspen qamtý ortalyǵy arqyly jumysqa ornalastyrylady.
Baıandamasynyń barysynda Erbolat Dosaev «Almaty jastary» qalalyq baǵdarlamasy boıynsha ótinimderdi qabyldaýdyń bastalatyn kúnin jarıalady. Olardy aǵymdaǵy jyldyń 18 mamyrynan 1 maýsymyna deıin qabyldaı bastaıdy. Baǵdarlama aıasynda qatysýshylarǵa bastapqy jáne qaıtalama turǵyn úı satyp alý úshin 18 mln teńgege deıingi somaǵa 5%-ben jeńildikti zaemdar beriledi. Bastapqy jarna-qaryz somasynyń 10%-y, nesıeleý merzimi – 25 jylǵa deıin.
Halyqpen kezdesý barysynda Almaty ákimi aýdannyń negizgi problemalyq máselelerin atap ótti, onyń ishinde áleýmettik ınfraqurylymmen, ınjenerlik jelilermen qamtamasyz etý, qalany abattandyrý, sıntetıkalyq esirtkilerdiń taralýy jáne t. b.
Áleýmettik nysandardyń jetispeýshiligi máselesin sheshý úshin jańa medısınalyq mekemelerdiń, mektepter men balabaqshalardyń qurylysy jalǵasady. Qurylys salýshylarmen jasalǵan memorandým aıasynda 2 jańa memlekettik mektep salý jáne 400 oryndy 1 jeke mektep ashý josparlanýda (4 shaǵyn aýdany 11 úıdegi mekenjaı boıynsha «Dostyq» jeke mektebi). Jaqyn arada 1960 jyly salynǵan №72 apatty mekteptiń ornyna 1 200 oryndy jańa mektep salý úshin qosymsha jer ýchaskeleri satyp alynatyn bolady.
Jeke ınvestısıalar esebinen oryn tapshylyǵyn qysqartý maqsatynda 800 oryndy 10 jekemenshik balabaqsha ashý josparlanýda, sondaı-aq, Altyn besik shaǵyn aýdanynda 120 oryndy jańa qalalyq balabaqsha qurylysynyń jobalyq-smetalyq qujattamasy ázirlenýde.
Qala basshysynyń tapsyrmasy boıynsha 10-shy shaǵyn aýdanda taǵy bir 280 oryndy balabaqsha salý úshin jer ýchaskesi satyp alyndy. Sonymen qatar, jeke ınvestısıalar esebinen 800 oryndy 10 jekemenshik balabaqsha ashý josparlanýda.
Halyqqa sapaly medısınalyq qyzmet kórsetýdi qamtamasyz etý maqsatynda aǵymdaǵy jyly Mamyr-1 shaǵyn aýdanynda aǵymdaǵy jyldyń maýsym aıynda aýysymyna 200 kelýshige arnalǵan bes qabatty otbasylyq-dárigerlik ambýlatorıanyń qurylysy bastalady. Qýanysh sh/a aýysymyna 500 kelýshige arnalǵan emhana salý ýchaskesi anyqtaldy.
Halyqpen kezdesý barysynda qala basshysy 1960-1970 jyldary salynǵan aýdannyń ınjenerlik ınfraqurylymy jańǵyrtýdy qajet etetinin atap ótti. Qazirgi ýaqytta «Dostyq» shaǵyn aýdany jáne Arychnaıa, Yqylas, Zapadnaıa kósheleriniń qıylysynda sý burý jelilerin salý úshin 2 joba boıynsha jobalaý-smetalyq qujattama ázirlenýde. Sonymen qatar, Mamyr-4 shaǵyn aýdany men «Saın-SHalápın-Jandosov-Qarǵaly» ózeni kósheleriniń qıylystarynda sýmen jabdyqtaý jáne sý burý jelileriniń qurylysyna JSQ ázirleýge qatysty 2 joba boıynsha konkýrstyq rásimder birmezgilde ótýde. Qurylys-montaj jumystary 2023 jyly bastalady.
Sondaı-aq, Almaty ákimi kólik aǵyndaryn ońtaıly etý úshin kólik ınfraqurylymyn damytý josparlaryn usyndy. Maýsym aıynda metropolıtenniń 2 stansıasy – «Sary-Arqa» jáne «Momyshuly» iske qosylady.
«Búginde Tóle bı kóshesin uzartý boıynsha jumystar júrgizilýde, ol úshin ákimdik 270 jer ýchaskesin bosatýy qajet, onyń ishinde biz 63 ýchaske boıynsha satyp alý baǵasy boıynsha kelistik jáne 207 ýchaske boıynsha kelissózder júrgizip jatyrmyz. Bul ótken jyly ashylǵan Abaı dańǵylyndaǵy Momyshuly kóshesinen batys baǵyttaǵy alty jolaqty ýchaskemen birge bizdiń megapolıstegi kólik aǵyndaryn ońtaıly túrde qaıta bólýge jáne irgeles jatqan magıstraldyq kóshelerdegi kólik júktemesin azaıtýǵa múmkindik beredi», – dedi Almaty ákimi.
Jaılylyq jasaý jáne qalany abattandyrýdy jaqsartý maqsatynda 2019 jyldan bastap Almatyda «Halyqtyń búdjetke qatysýy» jobasy iske asyrylýda. Bıylǵy jyly turǵyndardyń usynystary boıynsha skverlerdi, jaıaý júrginshiler aımaqtaryn jóndeý, bos jatqan ýchaskelerdi abattandyrý boıynsha 23 joba aıqyndaldy, 191 aýla aýmaǵyn kúrdeli jóndeý josparlanýda.
Sondaı-aq, aǵymdaǵy jyly Saıran kólin abattandyrý, sonyń ishinde kóldiń túbin tazartý jáne jaǵalaý aımaǵyn kógaldandyrý jumystary josparlanǵan. Búginde bógetterge kópfaktorly tekserý júrgizildi, oń qorytyndy bar, túbin tazartý boıynsha jobalaý-smetalyq qujattama memlekettik saraptamadan ótýde (merzimi – a.j. shilde aıy).
Turǵyndardyń qaýipsizdigin qamtamasyz etý jáne esirtki qylmystarynyń jolyn kesý úshin aýdanda 457 kamera ornatylady, onyń ishinde 87-si aýlalarda, 202-si saıabaqtarda, áleýmettik nysandardyń janynda.
Almaty ákimimen kezdesý barysynda turǵyndar joldardy, káriz jáne elektr jelilerin jóndeý, shyǵarmashylyq úıirmelerdi, sport seksıalaryn jáne t. b. jan basyna qarjylandyrý máselelerin kóterdi.
Memleket Basshysy Qasym-Jomart Toqaevtyń Jarlyǵymen bekitilgen halyqpen kezdesýlerdiń jańa formatyna sáıkes jyl sońyna deıin Erbolat Dosaev Halyqpen 24 kezdesý ótkizedi – toqsan saıyn 8 aýdannyń turǵyndarymen bir-bir kezdesý.
Eske salsaq, Almaty ákiminiń halyqpen alǵashqy kezdesýi 14 sáýirde Bostandyq aýdanynyń, ekinshisi – 28 sáýirde Alataý aýdanynyń turǵyndarymen ótken bolatyn.