Almaty ákimi Erbolat Dosaevtyń 2023 jyly halyqpen alǵashqy kezdesýi Alataý aýdanynda ótti. Qala basshysy aýdannyń damýy jáne ótken jyly turǵyndardan túsken usynystar boıynsha atqarylǵan jumystar týraly aıtyp berdi. Kezdesýge 300-den astam adam keldi, dep habarlaıdy Almaty-akshamy.kz.
Alataý aýdanyn damytýdaǵy mańyzdy aspektilerdiń biri turǵyndardy ortalyq komýnıkasıalarmen qamtamasyz etý máselesi bolyp tabylady. Ótken jyly aýdanda 187 km ortalyq sýmen jabdyqtaý jáne káriz jelileri rekonstrýksıalandy. 2023 jyldyń sońyna deıin taǵy 20,5 myń úıdi sapaly jelilermen qamtamasyz etý josparlanýda. Alataý aýdanyn saıajaı alaptarynan basqa ınjenerlik komýnıkasıalarmen tolyq qamtamasyz etý 2025 jyldyń basyna josparlanýda.
Aýdanda jol ınfraqurylymyn damytý jáne qoǵamdyq kólik jumysynyń sapasyn arttyrý ózekti másele bolyp qala beredi. Ótken jyly aýdannyń 53 kóshesinde uzyndyǵy 42 km joldarǵa ortasha jóndeý júrgizildi, sondaı-aq 35 kóshege aǵymdaǵy jóndeý júrgizildi. 2023 jyly uzyndyǵy 38 km bolatyn taǵy 50 kóshe jóndeledi.
Aǵymdaǵy jyldyń jeltoqsan aıynda Móńke bı kóshesinde jolaıryǵyn salaý jáne Saın kóshesin uzartý boıynsha jumystardy aıaqtaý josparlanýda, sonyń arqasynda qalanyń negizgi magıstraldyq kóshelerinen, onyń ishinde Rysqulov dańǵyly men Momyshuly kóshelerinen kólik júktemesi aıtarlyqtaı azaıady.
Ótken jyly qala ákimimen ótken kezdesýlerde aýdan turǵyndary qoǵamdyq kóliktiń jumysyna – aqaýlary bar eski avtobýstarǵa, baǵyttardyń azdyǵyna jáne qozǵalys aralyqtarynyń buzylýyna eleýli syn aıtqan bolatyn. Ótinishter men tilekterdi eskere otyryp, tórt jańa baǵyt ashylyp, ekeýi uzartyldy. 4 baǵyttaǵy 52 avtobýs jańartyldy. Osylaısha, aýdannyń avtobýs parki tolyǵymen jańardy.
Ótken jyly aýdanda 40 aıaldama ornatyldy, aǵymdaǵy jyldyń sońyna deıin taǵy 50 aıaldama jasalady, osylaısha Alataý aýdanynda aıaldamalardyń jetispeýshiligi máselesi sheshiletin bolady.
Oqýshy oryndarynyń tapshylyǵyn tómendetý úshin ótken jyly 6300 oryndy 4 mektep ashyldy, aǵymdaǵy aıdyń sońyna deıin 1500 oryndy taǵy bir mektep ashý josparlanǵan.
2023 jyly 10 050 oryndy 6 mekteptiń qurylysyn bastaý josparlanýda. Olardyń beseýi «Jaıly mektep» ulttyq jobasy aıasynda salynady. Budan basqa, İ toqsannyń sońyna deıin Indýstrıaldy aımaq aýmaǵynda kásiptik-tehnıkalyq jáne ınovasıalyq tehnologıalar kolejderiniń qurylysyn bastaý josparlanýda. Ár kolejde 380 oryndy jataqhanalary bolady, olar 720 orynǵa arnalǵan.
Aýdanda synyptan tys ýaqytta 5 myńnan astam bala qatysa alatyn Oqýshylar saraıy, sondaı-aq dene shynyqtyrý-saýyqtyrý kesheni men tenıs korttary salynýda.
Medısınalyq qyzmet kórsetýdiń qadamdyq qoljetimdiligin qamtamasyz etý úshin kúnine 200 adam keletin 2 dárigerlik ambýlatorıa salý josparlanǵan. Aıaqtalý merzimi – 2023 jylǵy jeltoqsan.
Budan basqa, aýdanda 50 tósektik perzenthanasy bar 350 tósektik alǵashqy kópbeıindi aýrýhana qurylysynyń JSQ ázirlenetin bolady.
«Halyq qatysatyn búdjet» baǵdarlamasy boıynsha aǵymdaǵy jyly 37 jobany iske asyrý josparlanýda. Oıyn alańdary men vorkaýt-aımaqtar, fýtbol, basketbol jáne voleıbol alańdary, jaıaý júrginshiler aımaqtary, skverler salynady.
Aýdanda únemi sý basyp qalatyn oryndardyń máselesi belsendi túrde sheshilýde. TJ jelisi boıynsha osy máseleni jedel sheshý úshin ótken jyly kolektorlardy, arnalardy qalpyna keltirý jáne aryq jelisin salý jumystary bastaldy. 7 ýchaske boıynsha jumystar aıaqtaldy. 3 kolektor qalpyna keltirildi, 955 m aryq jelisi salyndy. Qalǵan 11 ýchaskeni joıý jumystaryn jyl sońyna deıin aıaqtaý josparlanýda.
Almaty ákimimen kezdesý barysynda aýdan turǵyndary joldardy jóndeý, káriz jáne elektr jelilerin abattandyrý jáne t.b. máselelerdi kóterdi.