Jarty jyl buryn Álisher Elikbaevqa qazynaǵa 5 mıllıon teńge tóleý týraly eskertý kelgen.
Bloger esepshotyna túsken asa iri kólemdegi qarjy operasıalary arasynda tabystan bólek, qaıyrymdylyqqa arnalǵan qarjylar da bar ekenin aıtty.
– Bul qarjylar meniń tabysym emes, sondyqtan olar salyq salýǵa jatpaıdy. Aqsha maǵan emes, birden qaıyrymdylyq qorlaryna, klınıkalarǵa, kólik óndirýshilerge nemese medısınalyq jabdyq dıstrıbúterlerine aýdarylyp otyrǵan, – dep jazdy Álisher Elikbaev.
Elikbaev onyń ýájderi eskerilmegen soń, sotqa júgingenin aıtty.
– Sońyna deıin bul iste jeńip shyǵamyz degen senim bolmady. Biraq Dmıtrıı Kazansevtiń komandasynyń kásibıliginiń arqasynda, olardyń naqtylyq pen prınsıpshildiginiń arqasynda sot bizdi qoldady. Salyq organdarynyń áreketteri zańsyz dep tanyldy. Tolyqqandy salyqtyq tekseris júrgizý týraly ótinish qanaǵattandyrylmady. Túıe emes ekenimdi dep dáleldeý úshin jarty jyl ýaqyt ketti, – dep túıindedi Álisher Elikbaev.