Qalanyń ornyqty damýy úshin bazalyq qajettilikterdi qanaǵattandyrý, erekshe qajettilikterine, áleýmettik mártebesine, jynysy men jasyna qaramastan, barlyq qala turǵyndary úshin áleýmettik ıgilikterge teń qoljetimdilikti qamtamasyz etý qajet.
Bul týraly Almaty qalasynyń ákimdigi men «Almaty qalasyn damytý ortalyǵy» AQ «Almaty qalasyn damytýdyń 2025 jylǵa deıingi josparynyń negizgi basymdyqtary jáne 2030 jylǵa deıingi orta merzimdi perspektıvalary» atty jobasynda aıtylǵan, dep habarlaıdy Almaty-akshamy.kz.
Inklúzıvtilikti, áleýmettik ornyqtylyqty jáne turaqtylyqty arttyrý úshin megapolıste 5 bastama iske asyrylady
- Erekshe qajettilikteri bar azamattar úshin kedergisiz orta uıymdastyrý jáne bala kezinen toleranttylyq mádenıetin qalyptastyrý;
- Kórsetiletin qyzmetterge qanaǵattanýshylyqty, onyń sapasyn jáne qoljetimdiligin arttyrý úshin bilim berý jáne densaýlyq saqtaý júıesin jańǵyrtý;
- Jastardyń damýy úshin teń múmkindikter jasaý;
- Qala turǵyndary men qonaqtary úshin mańyzdy jáne alýan túrli mádenı sharalar jıyntyǵy;
- Salaýatty ómir salty men joǵary jetistikter sporty úshin damyǵan ınfraqurylym.
2030 jylǵa qaraı Almaty ınfraqurylymynyń qoljetimdiligin 10%-ten 75%-ke deıin ulǵaıtý kózdelip otyr.
Oqýshy oryndarynyń tapshylyǵyn 19,6 myńnan basqarylatyn tapshylyqqa deıin, ıaǵnı 2025 jylǵa qaraı 7,3 myńǵa deıin jáne 2030 jylǵa qaraı 4,3 myńǵa deıin halyqtyń ósýin eskere otyryp azaıady.
2025 jylǵa qaraı 3-6 jastaǵy balalardy mektepke deıingi tárbıemen jáne oqytýmen qamtýdy 92%-ten 97%-ke deıin, 2030 jylǵa qaraı 99%-ke deıin ulǵaıtylady. 2030 jylǵa deıin qalalyq 5 oqý ornynyń bazasynda tanymal halyqaralyq mektepterdiń brendimen jáne basqarýymen álemdik deńgeıdegi mektepter qurylady.
Almatynyń bolashaǵyna beıjaı qaramańyz. Óz pikirińizdi 1 shildege deıin tómendegi silteme arqyly «Almaty qalasyn damytý ortalyǵy» AQ saıtynda qaldyryńyz.