Infeksıa juqtyrǵandardyń arasynda «stels-omıkron» shtamy basym
Almatyda 16-28 maýsym aralyǵynda 352 koronavırýs ınfeksıasyn juqtyrǵan adam tirkelse, onyń ishinde vaksına almaǵandar 222 adam (63%). 2022 jyldyń basynan beri qalada KVI boıynsha 55 322 jaǵdaı tirkelgen, dep habarlaıdy Almaty-akshamy.kz.
Almaty qalasy qoǵamdyq densaýlyq saqtaý basqarmasy men Almaty qalalyq sanıtarlyq-epıdemıologıalyq baqylaý departamentiniń 2022 jylǵy 24 maýsymdaǵy birlesken buıryǵymen koronavırýs juqtyrǵan naýqastardy emdeýge arnalǵan tósek-oryn sany 135-ke deıin ulǵaıtyldy.
2022 jylǵy 29 maýsym kúni tańerteńgi jaǵdaı boıynsha, juqpaly aýrýlar aýrýhanasynda 48 pasıent emdelip jatyr. Aýrýhanaǵa túskenderdiń ishinde 10 júkti áıel bar, olardyń eshqaısy vaksına almaǵandar. Úı karantıninde 269 pasıent bar, olardyń 80%-ǵa jýyǵy vaksına almaǵandar.
Infeksıa juqtyrǵandardyń arasynda «stels-omıkron» shtamy basym. Boljam boıynsha, bul mýtasıa búginde aınalymda, al bul ınfeksıanyń údemeli ósýin týdyrady. Naýqastardaǵy klınıkalyq sıpatta kóbinese kataraldy qubylystar basym bolady: dene qyzýy, jótel, tamaq aýrýy, álsizdik, t.b.
Búginde qalada medısınalyq uıymdarda 96 vaksınalaý pýnkti jáne 175 vaksınalaý brıgadasy jumys isteıdi.
Almatyda vaksınalaný úshin kelesi preparattardyń dozalaryn alýǵa boolady, olar: QazVac, Vero Cell, Pfizer.