Elde kartop pen sábiz baǵasy arzandady
Sońǵy eki aptada áleýmettik mańyzy bar azyq-túlik taýarlarynyń baǵasy 0,5 paıyzǵa tómendedi. Bul týraly búgin Úkimet otyrysynda QR Saýda jáne ıntegrasıa vıse-mınıstri Erjan Qazanbaev málim etti, dep habarlaıdy Almaty-akshamy.kz Habar 24 saıtyna silteme jasap.
«Jyl basynan beri áleýmettik mańyzy bar azyq-túlik taýarlarynyń baǵasy 9,9 paıyzǵa ósti. İshki naryqta otandyq ónimderdiń kóbeıýi esebinen sońǵy eki aptada baǵalar 0,5 paıyzǵa tómendedi. Atap aıtqanda, eń joǵary ósý sátinen bastap kartop baǵasy 34 paıyzǵa nemese 71 teńgege, al sábiz 41 paıyzǵa nemese 122 teńgege tómendedi. Sonymen qatar, sońǵy aptalarda qyryqqabat 0,4 paıyzǵa, pıaz 0,1 paıyzǵa arzandady», - dedi E.Qazanbaev.
Onyń aıtýynsha, baǵanyń eń joǵary ósimi 11,6% - Túrkistan oblysynda, 11,3% – Qyzylorda oblysynda jáne 11,3% – Qostanaı oblysynda tirkeldi. Eń tómen ósim 9,5% – Almaty qalasynda, 9,6% – Almaty oblysynda jáne 9,7% – Qaraǵandy oblysynda belgilendi.