Baı memleketter 2021 jyldyń sońyna deıin álem halqynyń 40% ekpe salýdy kózdep otyr.
G20 memleketteriniń densaýlyq saqtaý mınıstrleri osy jyldyń sońyna deıin álem halqynyń 40% SOVID-19 qarsy ekpe salýdy kózdep otyr, dep habarlaıdy Almaty-akshamy.kz Interfax.ru saıtyna silteme jasap.
G20 elderiniń densaýlyq saqtaý mınıstrlikteriniń basshylary Rımdegi samıt sońynda 2021 jyldyń sońyna deıin álem halqynyń kem degende 40% -yn COVID-19 qarsy vaksınalaý maqsatyna eńbek etýge daıyn ekenin málimdedi.
Sonymen qatar baı memleketterdiń mınıstrleri kerek bolǵan jaǵdaıda, vaksınamen tolyqqandy qamtamasyz etý maqsatynda ekpe «dozalarymen bólisýge» daıyn ekenin aıtty.
«Reseılik ǵalymdardyń 30 mınýt ishinde adam aǵzasynda COVID-19 vırýsynyń bar-joǵyn anyqtaıtyn qurylǵy oılap tapqan. Federaldy bıomedısınalyq agenttiktiń mamandary SARS-CoV-2 mýtasıasyn jyldam baqylaýdyń jolyn tapty, ıaǵnı koronavırýstyń mańyzdy qasıetterine jaýap beretin genomnyń tek bir bóligin anyqtaı alady», – delingen COVID-19 taralýyna jol bermeý jónindegi VAK habarlamasynda.
Chılı Respýblıkasynyń Úkimeti qytaılyq Sinovac shyǵarǵan koronavırýstyq ınfeksıaǵa qarsy vaksınany 6 jastan asqan balalarǵa qoldanýǵa ruqsat berdi. Sheshim úsh jastan 17 jasqa deıingi balalar men jasóspirimder tobyn vaksınalaý qorytyndysyn zerttegen sarapshylar komısıasymen qabyldandy. Sarapshylar júrgizilgen zertteýler vaksınadan ımýndyq reaksıanyń jaqsy nátıjesin bergenin atap ótti.
Indonezıa koronavırýs boıynsha epıdemıologıalyq jaǵdaıdyń jaqsarýyna qaramastan, karantın jeńildetilmeıdi. Ótken táýlikte elde 4 413 COVID-19 tasymaldaýshysy anyqtaldy. Úkimet Iava men Balı araldaryndaǵy shekteýlerdi 13 qyrkúıekke deıin uzartý týraly sheshim qabyldady. Kishigirim jeńildikter dinı oryndarǵa, meıramhanalar men saýda ortalyqtaryna qatysty oryn alady. Koronavırýsqa qarsy tolyq vaksınalaýdan ótken ındonezıalyqtardyń sany 38 mıllıon adamǵa jetti.
Batys Avstralıa koronavırýstyq ınfeksıa boıynsha shekteýler alynyp tastalatyn deńgeıdi anyqtady. Shtattyń Premer-Mınıstri Mark Makgoýen Úkimet turǵyndardyń 90%-y COVID-19-ǵa qarsy tolyq vaksınasıalanǵanǵa deıin koronavırýsqa qarsy shekteýlerdi alyp tastaý múmkindigin qarastyrmaıtynyn aıtty. Sonymen qatar, Makgoýen Batys Avstralıa basqa shtat turǵyndary úshin óz shekaralaryn ashqanǵa deıin birneshe aılyq ýaqyt ótetinin aıtty. Bul tek 2022 jyly múmkin bolatynyn jetkizdi.