Densaýlyq saqtaý mınıstri Ajar Ǵınıat ınfeksıalardyń keıbir túrleri boıynsha eldegi epıdemıologıalyq jaǵdaıdy turaqtandyrý sharalary týraly aıtty, dep habarlaıdy Almaty-akshamy.kz.
«Aǵymdaǵy jyldyń 10 aıynda 21 ınfeksıalyq aýrý, onyń ishinde: oba, tyrysqaq, dıfterıa, polıomıelıt, ish súzegi, qutyrý, vıseraldyq leıshmanıoz, týláremıa jaǵdaılary tirkelgen joq. 2022 jyldyń uqsas kezeńimen salystyrǵanda 39 ınfeksıalyq aýrý boıynsha syrqattanýshylyqtyń tómendeýine qol jetkizildi», - dedi mınıstr óz sóziniń basynda.
Onyń aıtýynsha, epıdemıologıalyq maýsym bastalǵannan beri JRVI-diń 1 mln 370 myń jaǵdaıy tirkeldi, onyń ishinde JRVI-men aýyrǵandardyń 66%-yn 114 jasqa deıingi balalar quraıdy. Ótken jyldyń sáıkes kezeńimen salystyrǵanda syrqattanýshylyq 8%-ǵa tómendedi. Qarasha aıynan bastap tumaýdyń 115 zerthanalyq rastalǵan jaǵdaıy tirkeldi, aldyńǵy jyldardaǵydaı A(H3N2) tumaýy men V tumaýynyń aınalymy baıqalady, tumaýǵa qarsy vaksınasıalaý kompanıalary aıaqtaldy, 2 mln.400 myń adam egildi, bul el halqynyń 12,1% -yn quraıdy.
Koronavırýs ınfeksıasy boıynsha epıdemıologıalyq jaǵdaı turaqty, dep atap ótti vedomstvo basshysy.
«Aǵymdaǵy jyldyń basynan beri syrqattanýshylyqtyń 2,6 ese tómendeýi baıqalady. Aǵymdaǵy jyldyń 10 aıynda 11 734 adam aýyryp, 1310 adam vaksınasıalandy. Búgingi tańda 2 pasıent stasıonarlyq emdelýde», - dedi mınıstr. «Búgingi tańda qyzylsha aýrýynyń epıdemıologıalyq jaǵdaıy kúrdeli. Respýblıkada qyzylshanyń 17 myńnan astam jaǵdaıy tirkelgen, onyń 82%-y balalarǵa, onyń ishinde 83%-y vaksınasıalanbaǵandarǵa tıesili. Bul rette, balalardyń 60%-y bas tartýǵa baılanysty, qalǵan balalar egý jasyna jetpeýi jáne medısınalyq kórsetilimderdiń sebebinen vaksınasıalanbaǵan. Qyzylsha aýrýy barlyq óńirlerde tirkeldi», - dedi mınıstr.
«Aǵymdaǵy jyldyń qyrkúıek aıynan bastap uıymdasqan, oqý jylynda ujymdarda balalardyń jınalýyna baılanysty syrqattanýshylyqtyń kúrt ósýi baıqalady, nátıjesinde syrqattanýshylyq deńgeıi 2 esege ósti. Qarasha aıynda qyzylshanyń 6 myńnan astam jaǵdaıy tirkeldi, dep qosty A. Ǵınıat.
Álemniń 167 elinde qyzylsha aýrýynyń ósýi baıqalady. Qyzylshamen syrqattanýshylyqtyń ósýine mynalar sebep boldy: KVI pandemıasy kezinde josparly vaksınasıalaýdy ótkizip alǵan balalardyń esebinen syrqattanýshylyqtyń ósýi, vaksınasıalaýdan bas tartýdyń ósýi, bul halyqtyń arasynda ımýndyq emes toptyń jınalýyna yqpal etti. Áleýmettik jelilerde, ınternet-portaldarda vaksınasıalaý týraly durys emes aqparattyń, sondaı-aq ımmýndaý salasyndaǵy jalǵan sarapshylardyń qoljetimdiligi.
«Qyzylsha boıynsha jaǵdaıdy turaqtandyrý maqsatynda mynadaı sharalar qabyldanýda: aǵymdaǵy jyldyń 10 aıynda qyzylshaǵa qarsy josparly vaksınasıalaýmen 600 myńnan astam adam qamtyldy, bul 1 jastan 6 jasqa deıingi balalardyń 84,0%-yn quraıdy, bul DDU usynystaryna sáıkes keledi. Jyl sońyna deıin osy jas tobyndaǵy 100 myńnan astam bala vaksınasıalanýǵa tıis», - dedi mınıstr.
Sonymen qatar, qyzylsha oshaqtarynda 15 myńnan astam vaksınasıalanbaǵan baılanysta bolǵan adamdar shuǵyl vaksınasıamen qamtyldy.
Aǵymdaǵy epıdemıologıalyq jaǵdaı qyzylshanyń 65%-dan astamyn quraıtyn 5 jasqa deıingi balalardyń arasynda syrqattanýshylyqtyń tirkelýimen sıpattalatynyn taǵy da atap ótkim keledi. Osyǵan baılanysty, 6 qarashadan bastap osy sanattyń arasynda qosymsha jappaı ımmýndaý bastaldy, 100 myńnan astam adam qamtyldy. Mınıstrdiń aıtýynsha, qosymsha jappaı ımmýndaý júrgizý úshin qyzylshaǵa qarsy vaksınanyń 1,5 mln. dozasy satyp alyndy, onyń 500 myń dozasy kelip tústi, jeltoqsan aıynda 1 mln.doza jetkiziledi dep kútilýde. Osyǵan baılanysty halyqtyń belsendiligi men vaksınasıalaýdy tańdaý bizdiń balalarymyzdyń densaýlyǵyn qorǵaýdy qamtamasyz etýge múmkindik beredi, dep atap ótti Densaýlyq saqtaý mınıstrliginiń basshysy.
«Qosymsha ımmýndaýdyń tıimdiligi 2005, 2015 jáne 2019 jyldardaǵy qyzylshanyń aldyńǵy órshýi kezinde dáleldendi. Tek qosymsha jappaı ımmýndaýmen joǵary qamtý ǵana jeltoqsan aıynda qyzylsha boıynsha epıdemıologıalyq jaǵdaıdy turaqtandyrýǵa jáne 2024 jylǵy qańtarda syrqattanýshylyqty azaıtýǵa múmkindik beredi. Vaksınamen basqarylatyn aýrýlar men asqynýlardan balalardyń densaýlyǵyn qorǵaý týraly sheshim qabyldaıtyn ata-analardyń vaksınasıalaýdan bas tartý kókjótel, dıfterıa, polıomıelıt, sirespe sıaqty umytylyp ketken qaýipti aýrýlardyń órshýine ákelýi múmkin», - dep qorytyndylady Ajar Ǵınıat.