Japonıa astanasynda koronavırýs juqtyrǵannan keıin sozylmaly aýrýlary joq 10 jasqa jetpegen bala alǵash ret qaıtys boldy.
Dáriger tekserip, koronavırýstyq ınfeksıaǵa oń nátıjeli test tapsyrǵannan keıin qyz úıde emdelgen, óıtkeni ol tek jeńil belgilerdi ǵana sezingen. Alaıda, eki kúnnen keıin onyń jaǵdaıy nasharlap, bala shuǵyl aýrýhanaǵa jatqyzylady, keıinnen aýrýhanada qaıtys boldy, dep habarlaıdy Almaty-akshamy.kz COVID-19 taralýyna jol bermeý jónindegi VAK-tyń Telegram kanalyna silteme jasap.
Ólimniń resmı sebebi qazirgi ýaqytta belgisiz, biraq bul - Tokıoda jańa COVID-19 juqtyrǵannan keıin 10 jasqa jetpegen balanyń sozylmaly nemese ilespe aýrýlarsyz qaıtys bolýynyń alǵashqy jaǵdaıy.
Japonıa koronavırýstyq ınfeksıany juqtyrýdyń jańa jaǵdaılarynyń ósý qarqyny boıynsha bes apta qatarynan kósh bastap keledi. Kúndelikti ólim-jitim boıynsha el qazir AQSH-tan keıin ekinshi orynda - ótken aptada Japonıada 1,5 myńnan astam aýrý juqtyrǵandar qaıtys boldy.
Sonymen qatar, elde ınfeksıanyń taralýyna baılanysty eshqandaı shekteýler engizilgen joq. Bılik halyqty qajetti saqtyq sharalaryn saqtaýǵa, al 65 jastan asqan adamdardy qosymsha vaksınalaýdan ótýge shaqyrady.
- Koronavırýstyq ınfeksıaǵa qarsy vaksınalaýdyń qaýipsizdigi men tıimdiligi aýa temperatýrasyna baılanysty emes, - deıdi Reseı Federasıasynyń ınfeksıonıst-dárigeri.
"Aýa temperatýrasy vaksınalaýdyń tıimdiligine, qaýipsizdigine áser etpeıdi, sondyqtan epıdemıalyq jaǵdaıdy eskere otyryp, vaksınanyń aldyńǵy dozasyn qabyldaǵan jáne úsh-alty aı buryn aýyrǵan kez kelgen adamǵa vaksınalaý usynylady", - dedi ol.