Elimizdiń jańartylǵan Konstıtýsıasy azamattardyń suraýy boıynsha jáne qoǵam múddesine negizdelgen - sarapshy
30 tamyz – elimizdiń Negizi Zańy qabyldanǵan tarıhı kún! Bıyl Konstıtýsıanyń resmı bekitilýine 27 jyl tolady, dep habarlaıdy Almaty-akshamy.kz.
Osy jyldar ishinde qujatqa birneshe túzetýler engizildi. Sońǵy ózgerister men túzetýler bıyl maýsym aıynda respýblıkalyq referendým ótkizilgennen keıin qabyldanǵanyn aıta ketken jón.
«Shyn máninde, túzetýler óte aýqymdy kólemde boldy. Konstıtýsıanyń 33 babyna barlyǵy 56 túzetý engizildi. Bul Ata zańnyń úshten bir bóligi, ıaǵnı úlken bólshegi desek bolady. Konstıtýsıalyq reformanyń negizgi maqsaty - qoldanystaǵy memlekettik modeldi júıeli túrde qaıta qurý. Iaǵnı, konstıtýsıalyq túzetýler óte mańyzdy, sebebi ol elde jańa quqyqtyq negiz qalyptastyrady. Jańartylǵan Konstıtýsıa - bul Prezıdent jarıalaǵan Jańa Qazaqstan úshin, Ekinshi respýblıka úshin jańa quqyqtyq negiz», - deıdi álemdik ekonomıka jáne saıasat ınstıtýtynyń sarapshysy Arman Toqtyshaqov.
Álemdik ekonomıka jáne saıasat ınstıtýtynyń sarapshysy málim etkendeı, elimizdiń jańartylǵan Konstıtýsıasy azamattardyń suraýy boıynsha jáne qoǵam múddesine negizdelgen. Ata zańnyń ózgeristeri men túzetýleri birinshi kezekte tarıhı mańyzǵa ıe, sebebi reformalar – respýblıkanyń aýqymdy saıası qaıta jańǵyrýynyń ajyramas bóligi.